Don't Miss!
- News Rk Roja Margadarsi Chit: మార్గదర్శిలో రోజాకు చిట్! విలువెంతో తెలుసా?
- Travel శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ...
- Finance Ola Cabs IPO: త్వరలో ఓలా క్యాబ్స్ ఐపీఓ..
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
విజయ్ దేవరకొండ క్రేజ్ మామూలుగా లేదే.. ఆమె కూడా అతడి పేరే
అతి తక్కువ కాలంలో ఎవరికీ దక్కని క్రేజ్ను సొంతం చేసుకున్నాడు విజయ్ దేవరకొండ. కేవలం సినిమాలు హిట్ కావడం వల్లే వచ్చిన క్రేజ్ కాదిది. తెరపై విజయ్ ఎలా కనిపించినా.. తెర వెనుక విజయ్ యాటిట్యూడ్, ప్రవర్తన, స్టేజ్ ఎక్కితే మాట్లాడే విధానం, అందరిలోకెల్లా భిన్నంగా కనపడటం ఇలా ప్రతీ ఒక్కటి విజయ్ దేవరకొండను ప్రత్యేకంగా నిలిచేలా చేశాయి. అందుకే సినిమా ఫలితాలతో సంబంధం లేకుండా విజయ్ క్రేజ్ రోజురోజుకూ పెరుగుతూనే ఉంది.
చివరగా వచ్చిన డియర్ కామ్రేడ్.. మిశ్రమ ఫలితాన్ని మిగిల్చిన సంగతి తెలిసిందే. ఈ చిత్రంతో దక్షిణాది మొత్తాన్ని హస్తగతం చేసుకుందామనుకున్న విజయ్కు నిరాశే మిగిలింది. అయినా మనోడి క్రేజ్ ఏ మాత్రం తగ్గలేదు. విజయ్ క్రేజ్ కేవలం టాలీవుడ్, కోలీవుడ్ అని అనుకుంటే పొరబాటే. ఒక్క హిందీ చిత్రాన్ని చేయకపోయినా, కనీసం డబ్బింగ్ రూపంలోనైనా పలకరించకోయినా విజయ్ పేరు బీటౌన్లో మార్మోగిపోతూ ఉంటుంది. స్టార్ హీరోలకు దక్కని గౌరవం విజయ్కు దక్కుతుంది.
ఈమధ్య ఫిలింఫేర్ వారు ముంబై లో గ్లామర్ & స్టైల్ అవార్డ్స్ 2019 కార్యక్రమం నిర్వహించారు. ఈ కార్యకమంలో బాలీవుడ్ బ్యూటీ అలియా భట్ కూడా తళుక్కున మెరిసింది. దీంతో అక్కడ మీడియా వారు అలియా ను సందర్భానికి తగ్గట్టు ఒక మంచి ప్రశ్న అడిగారు. "పోయినేడాదిలో మోస్ట్ గ్లామరస్ యాక్టర్.. యాక్ట్రెస్ ఎవరు?" అనేదే ఆ ప్రశ్న. ఎక్కువ ఆలోచించకుండా "అనుష్క శర్మ.. నాకు ఆల్ టైమ్ ఫేవరేట్ యాక్ట్రెస్.. ఇంకా విజయ్ దేవరకొండ.. అతనిది అమేజింగ్ స్టైల్" అంటూ తన స్టైల్లో జవాబిచ్చింది.
ఆ మధ్య జాన్వీ కపూర్, కియారా అద్వాణీ లాంటి వారు సైతం తమకు విజయ్ దేవరకొండ అంటే ఇష్టమని, అతనితో కలిసి నటించాలని ఉందంటూ చెప్పుకొచ్చిన సంగతి తెలిసిందే. ఆర్ఆర్ఆర్ మూవీలో అల్లూరి సీతా రామ రాజు పాత్రలో నటిస్తున్న రామ్ చరణ్కు జోడిగా సీత పాత్రలో అలియా భట్ నటిస్తున్న విషయం తెలిసిందే.