Don't Miss!
- News ముగిసిన నామినేషన్ల పర్వం: బండి సంజయ్ సహా చివరి రోజు నామినేషన్లు వేసింది వీరే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Alia Bhatt: ఎట్టకేలకు పెదవి విప్పిన అలియా భట్ .. ఆ పోస్టులు అందుకే డిలీట్ చేశానంటూ!
దేశవ్యాప్తంగా ఇప్పుడు రాజమౌళి తెరకెక్కించిన RRR సినిమా గురించే మాట్లాడుకుంటున్నారు. సినిమా విడుదల అయ్యి వారం రోజులు అవుతున్నా సరే ఇప్పటికీ సినిమా థియేటర్లు హౌస్ ఫుల్ నడుస్తున్నాయి అంటే సినిమాకు క్రేజ్ ఎలా ఉంది అనేది అర్ధం చేసుకోవచ్చు. అయితే ఈ సినిమాలో ఎక్కువగా రామ్ చరణ్, ఎన్టీఆర్ నటన గురించి ప్రత్యేకంగా చర్చ జరుగుతోంది.
కానీ సినిమాలో తన పాత్ర పరిధి తగ్గించిన కారణంగా అలియా భట్ అలిగిందని రాజమౌళిని సోషల్ మీడియాలో అన్ ఫాలో చేయడమే కాక ఆ సినిమాకు సంబంధించిన అన్ని పోస్టులు డిలీట్ చేసిందని ప్రచారం జరిగింది. అయితే ఈ విషయం మీద ఎట్టకేలకు అలియా భట్ నోరు విప్పింది. ఆ వివరాల్లోకి వెళితే
రికార్డు కలెక్షన్లు
దర్శక ధీరుడు రాజమౌళి తెరకెక్కించిన RRR మార్చి 25 వ తేదీన ప్రేక్షకుల ముందుకు వచ్చిన సంగతి తెలిసిందే. ఈ సినిమాకు మొదటి ఆట నుంచే పాజిటివ్ రెస్పాన్స్ దక్కడంతో సూపర్ హిట్ టాక్ తో అనేక రికార్డులు బద్దలు కొట్టే దిశగా సినిమా దూసుకుపోతోంది. ఇప్పటికే దాదాపు రికార్డు స్థాయి కలెక్షన్లు సాధించిన ఈ సినిమా వందల కోట్లు వసూళ్లను యాడ్ చేసుకుంటూ ముందుకు వెళుతోంది.
రాజమౌళి మీద కోపంగా
ఈ సినిమాలో రామ్ చరణ్ అల్లూరి సీతారామరాజు పాత్రలో నటించగా ఎన్టీఆర్ కొమురం భీం పాత్రలో నటించారు. రామ్ చరణ్ సరసన సీత పాత్రలో బాలీవుడ్ భామ అలియా భట్ నటించింది. నిజానికి అలియా భట్ పాత్ర చాలా పెద్దగా ఉంటుందని అనుకున్నారు కానీ తీరా సినిమా చూసిన తర్వాత మరో హీరోయిన్ గా నటించిన ఒలీవియా మోరిస్ పాత్ర కంటే అలియా భట్ పాత్ర చాలా చిన్నగా కనిపించింది. దీంతో ఆమె రాజమౌళి మీద కోపంగా ఉందని ప్రచారం జరిగింది.
ఎట్టకేలకు
అంతే కాదు సోషల్ మీడియాలో అలియా భట్ రాజమౌళి అకౌంట్లను అన్ ఫాలో చేయడమేకాక RRRకు సంబంధించి గతంలో చేసిన పోస్టులు డిలీట్ చేసింది అని కూడా ప్రచారం జరిగింది.. ఆ ప్రచారానికి తగ్గట్టే రాజమౌళిని ఆమె ఫాలో అవుతున్నట్లు కనిపించలేదు సరికదా 2022 వ సంవత్సరంలో RRR సినిమా ప్రమోషన్ కి సంబంధించి ఎలాంటి పోస్టులు కూడా అలియా భట్ అకౌంట్ లో కనిపించలేదు. ఈ క్రమంలో ఆమె ఎట్టకేలకు ఈ వ్యవహారం మీద స్పందించింది.
రీ అలైన్ చేస్తూ ఉంటా
ఈ రోజు మామూలుగా నా పనిలో నేను ఉండగా RRR టీంతో అప్సెట్ కావడం కారణంగా సినిమాకు సంబంధించిన పోస్టులు డిలీట్ చేశాను అని ప్రచారం జరుగుతున్నట్లుగా నా దృష్టికి వచ్చింది. అయితే నేను ప్రతి ఒక్కరిని సిన్సియర్గా అభ్యర్థించేది ఒక్కటే, ఒక ఇంస్టాగ్రామ్ అకౌంట్ చూసి మీరు కొత్త కొత్త ఊహగానాలు పుట్టించొద్దు. నేనెప్పుడూ నా ఇంస్టాగ్రామ్ అకౌంట్ నీట్ గా ఉండడం కోసం పాత వీడియో పోస్టులను రీ అలైన్ చేస్తూ ఉంటాను.
ఎంతో అపురూపంగా భావిస్తున్నా
నేను RRR సినిమాలో భాగమైనందుకు చాలా సంతోషిస్తున్నాను. సీత పాత్ర పోషించడాన్ని, ఆ పాత్రలో నటించడాన్ని ఇప్పటికీ ప్రేమిస్తున్నాను. రాజమౌళి గారో దర్శకత్వంలో పనిచేయడం నాకు చాలా ఆనందాన్ని ఇచ్చింది అలాగే రామ్ చరణ్ ఎన్టీఆర్ లతో కలిసి పని చేయడం కూడా నేను ఎంతో ఆనందించాను. ఈ సినిమాకి సంబంధించి ప్రతి చిన్న విషయాన్ని ప్రతి అనుభవాన్ని కూడా నేను ఎంతో అపురూపంగా భావిస్తున్నాను.
Recommended Video
మాట్లాడాల్సి వస్తుంది అంటూ
ఈ విషయం మీద ముందు మాట్లాడకూడదు అని అనుకున్నాను కానీ ఇప్పుడు ఎందుకు మాట్లాడుతున్నా అంటే రాజమౌళి గారు అలాగే ఆయన టీం కూడా ఈ సినిమా మీద కొన్ని సంవత్సరాలు కృషి, శ్రద్ధతో ఒక అద్భుతమైన దృశ్య కావ్యాన్ని తెరకెక్కించే ప్రయత్నం చేశారు. ఆ సినిమా థియేటర్ లోకి వచ్చిన సమయంలో ఇలాంటి చిన్న చిన్న విషయాలు కూడా సినిమాకు నెగిటివ్ కాకూడదు అనే ఉద్దేశంతో నేను ఇలా మాట్లాడాల్సి వస్తుంది అంటూ ఆమె పేర్కొన్నారు.