Don't Miss!
- News రైతు రుణమాఫీ చేస్తే పార్టీని రద్దు చేసుకుంటావా? హరీష్ కు రేవంత్ రెడ్డి ప్రతిసవాల్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
తలకు పొగరెక్కలేదు.. నేల మీదే ఉన్నాను.. RRR సీత షాకింగ్ కామెంట్స్
బాలీవుడ్లో అద్భుతమైన పాత్రలతో అలియాభట్ దూసుకెళ్తున్నారు. రాజీ, గల్లీబాయ్ తదితర చిత్రాల్లో తనదైన నటనతో ప్రేక్షకులను ఆకట్టుకొన్న ఈ బ్యూటీ ప్రస్తుతం RRRలో నటిస్తున్నది. ఈ సినిమా తాజా షెడ్యూల్లో భాగమైంది. వరుస సక్సెస్లతో ప్రయాణిస్తున్న అలియా ఇటీవల బాలీవుడ్ మీడియాతో సంభాషించారు. తన కెరీర్, వ్యక్తిగత విషయాల గురించి మీడియాతో పంచుకొన్నారు. ఆమె ఏమన్నారంటే..
విజయాలతో మరింత బాధ్యత పెరిగింది
నా సినిమాలు బాక్సాఫీస్ వద్ద విజయం సాధించడంతో నాకు బాధ్యత పెరిగింది. ఆడియెన్స్ నా గురించి ఎక్కువగా ఆశిస్తున్నారనే విషయం అర్ధమైంది. విజయాల తర్వాత ఎక్కువగా ఆశించి థియేటర్కు వస్తారని విషయం నన్ను మరింత అలర్ట్ చేసింది. నా భుజాలపై ఇంత బరువైన బాధ్యత ఉండటం చాలా సంతోషంగా ఉంది అని అలియా భట్ అన్నారు.
రెండేళ్లలో నా ఆలోచన మారింది
నేను నటించిన సినిమాలు విజయం సాధించడం వల్ల కలిగిన ఉత్సాహంతో ముందుకెళ్తున్నాను. అందుకే చాలా సెలెక్టివ్గా, నాకు మరింత పేరు తెచ్చే పాత్రలనే ఎంచుకొంటున్నాను. ఇప్పుడు నా కెరీర్పై నాకు పూర్తి అవగాహన ఏర్పడింది. గతంతో పోల్చుకుంటే నా యాటిట్యూడ్ మారింది. గత రెండేళ్లతో పోల్చితే, ప్రేక్షకుల అంచనాలను దృష్టిలో పెట్టుకొని మరింత శ్రమిస్తున్నాను అని అలియాభట్ పేర్కొన్నారు.
ఫెయిల్యూర్తో జీవిత పాఠాలు నేర్చుకొన్నా
నా ఫెయిల్యూర్ నాకు మంచి గుణపాఠం నేర్పాయి. ప్రతీ వైఫల్యం నాకు జీవితంలో పాఠాలుగా మారాయి. విజయాల కంటే ఫెయిల్యూర్ వల్లనే బాగా నేర్చుకొన్నాను. నా విజయానికి కారణం నా ఫ్రెండ్స్, స్నేహితులు మాత్రమే. విజయాలతో పొంగిపోకుండా నేల మీద ఉండేలా ఆ పాఠాలు ఉపయోగపడ్డాయి అని అలియా చెప్పారు.
సక్సెస్ తలకు ఎక్కించుకోవద్దు
నాకు వరుస విజయాలు లభించిన నేపథ్యంలో సక్సెస్ను తలకు ఎక్కించుకోకు అని దర్శకుడు ఆయన్ ముఖర్జి ఆటపట్టిస్తుంటాడు. కాళ్లకు ఏదైనా కట్టుకో.. విజయ గర్వంతో ఎగిరిపోకుండా ఉంటావు. నా సినిమాల రిలీజ్ రోజున చాలా ఆందోళన పడేదాన్ని. ఇప్పుడు ఆ భయం ఉండటం లేదు. కష్టపడి పనిచేశాం. ఫలితం దానంతట అదే వస్తుందని ధైర్యంగా ఉంటాను.
సోలో హీరోయిన్ పాత్రల్లో
చమేలి, గుప్త్, మృత్యుదండ్ లాంటి సోలో హీరోయిన్ కథా చిత్రాల్లో నటించాలని ఉంది. మృత్యుదండ్ సినిమాలో మాధురి దీక్షిత్ నటన చూస్తే మతిపోతుంది. ఇప్పటికీ నటించాలనే తపన ఆమెలో చూస్తే స్ఫూర్తిగా ఉంటుంది. చాలా మంది తారలకు ఆ తరం హీరోయిన్లు స్ఫూర్తిగా నిలుస్తున్నారు అని అలియాభట్ అన్నారు.
RRR మూవీలో సీతగా
కళంక్, బ్రహ్మస్త్ర, తఖ్త్ లాంటి చిత్రాలతో బిజీగా ఉన్న అలియాభట్ టాలీవుడ్లో కూడా ఎంట్రీ ఇవ్వబోతున్నారు. రాజమౌళి రూపొందించే RRR చిత్రంలో రాంచరణ్ జోడిగా నటిస్తున్నారు. ఈ చిత్రంలో అల్లూరి సీతారామరాజు పాత్రలో రాంచరణ్ నటిస్తుండగా, ఆయన ప్రేయసిగా సీత పాత్రతో తెలుగు ప్రేక్షకులకు పరిచయం కానున్నారు. కొద్ది రోజుల క్రితమే RRR చిత్ర షూటింగ్లో భాగమయ్యారు.