Sridevi Soda Center ప్రమోషన్స్ కి ఆనంది దూరం.. గర్భవతంటూ ప్రచారం.. అసలు విషయం అదా?

తెలుగులో గుర్తింపు దొరకక

వరంగల్ కి చెందిన ఆనంది మారుతి దర్శకత్వంలో వచ్చిన ఈ రోజుల్లో అనే సినిమాలో ఒక చిన్న పాత్రలో కనిపించింది. ఆ తర్వాత బస్టాప్ అనే సినిమాలో సీమ అనే ఒక అల్లరి పిల్ల క్యారెక్టర్ లో నటించి తెలుగు ప్రేక్షకుల దృష్టిలో పడింది. ఆ తర్వాత ప్రియతమా నీవచట కుశలమా అనే సినిమాలో హీరోయిన్ గా నటించింది. ఆ తర్వాత రామ్ చరణ్ హీరోగా వచ్చిన నాయక్ సినిమాలో బ్రహ్మానందం పెళ్లి చూపులు కి వెళ్ళిన పెళ్లి కూతురు గా నటించింది.. ఆ తర్వాత గ్రీన్ సిగ్నల్ అనే మరో సినిమాలో నటించినా ఆమెకు తెలుగులో గుర్తింపు దొరకలేదు.. అయితే తమిళంలో చేసిన రెండో సినిమాతోటే ఆమెకు మంచి క్రేజ్ లభించింది.

కయాల్ సినిమా

కయాల్ సినిమా ద్వారా ఆమె ఏకంగా తమిళంలో పదుల సంఖ్యలో సినిమా అవకాశాలు దక్కించుకుంది. ఎట్టకేలకు 2021 వ సంవత్సరంలో విడుదలైన జాంబీ రెడ్డి సినిమాలో కూడా ఆమె ఒక కీలక పాత్రలో నటించి తెలుగు ప్రేక్షకులకు దగ్గరయ్యే ప్రయత్నం చేసింది. అలాగే సుధీర్ బాబు హీరోగా రూపొందిన శ్రీదేవి సోడా సెంటర్ అనే సినిమాలో శ్రీదేవి పాత్రలో నటించిన ఆనంది తెలుగు ప్రేక్షకులందరినీ మాయ చేసిందని చెప్పవచ్చు.

అసలు ఏమైంది ?

అయితే శ్రీ దేవి సోడా సెంటర్ సినిమా ప్రమోషన్స్ లో ఎక్కడ కూడా ఆమె కనిపించడం లేదు. అయితే అసలు ఏమైంది ? ఆమె ప్రమోషన్స్ లో ఎందుకు కనిపించడం లేదు ? అనే విషయాల మీద ఫోకస్ పెడితే కొన్ని ఆసక్తికర విషయాలు వెలుగులోకి వచ్చాయి. విషయం ఏమిటంటే తమిళంలో తాను నటించిన కొన్ని సినిమాలకు కూడా డైరెక్టర్ గా వ్యవహరించిన సోక్రటీస్ అనే వ్యక్తిని ఆనంది ప్రేమించి పెళ్ళాడింది. వీరిద్దరి వివాహం వరంగల్లోనే ఈ ఏడాది జనవరి నెలలో జరిగింది.

అసలు విషయం ఏమిటంటే

ఇప్పుడు అసలు విషయం ఏమిటంటే ఆమెకు ఆరు నెలల గర్భం ఉన్నట్లు తెలుస్తోంది. అందుకే శ్రీదేవి సోడా సెంటర్ ప్రమోషన్స్ లో ఎక్కడా ఆమె కనిపించలేదని అంటున్నారు. నిజానికి ఆమెను ప్రమోషన్స్ కి తీసుకురావాలని దర్శక నిర్మాతలు చాలా ప్రయత్నాలు చేసినా చివరి నిమిషంలో ఈ విషయం వారికి తెలిసిందట. ముందు నుంచి ఆమె ఫోన్లో కూడా అందుబాటులోకి రాలేదని చివరికి ఫోన్లు అందుబాటులోకి రాగానే తాను గర్భవతిని కాబట్టి ఇప్పుడు ఎక్కడికి రాలేను అనే విషయం వెల్లడించినట్లు సమాచారం.

Recommended Video

RRR కోసం Radhe Shyam Thaggede Ley | Prabhas Vs RRR || Filmibeat Telugu

గర్భవతి అనే కారణం

మరో కారణం అయితే దర్శక నిర్మాతలు పట్టుబట్టి ఉండేవారు కానీ గర్భవతి అనే కారణం చెప్పడంతో ఎవరూ ఏమీ చెప్పలేని పరిస్థితి. అయితే మంచి పాత్ర పడింది ఇక మీదట సినిమా అవకాశాలు తెలుగులో లభించే అవకాశాలు ఉన్నాయని ప్రచారం జరుగుతున్న నేపథ్యంలో ఆమె ఇలా గర్భం కారణంగా మళ్లీ సినిమాలకు దూరం అయ్యే అవకాశం ఉందని అంటున్నారు. అయితే తమిళంలో ఎప్పుడైనా ఆమెకు అవకాశాలు లభించే చాన్స్ ఉంది. ఎందుకంటే భర్త స్వయానా డైరెక్షన్ డిపార్ట్మెంట్ కు చెందిన వ్యక్తి కాబట్టి ఆమె మళ్లీ తమిళంలో బిజీ అయ్యే అవకాశాలు ఉన్నాయని అంటున్నారు.