Tripti Dimri: బంపర్ ఆఫర్ కొట్టేసిన కొత్త నేషనల్ క్రష్... తెలుగు బేస్డ్ పాన్ ఇండియా సినిమాలో ఛాన్స్?

యానిమల్ సినిమాలో రష్మిక మందన్నా కంటే... ఎక్కువగా ఫేమస్ అయింది తృప్తి డిమ్రి. ఈ భామ ఎప్పుడైతే ఈ సినిమా తీసిందో కానీ... అందరికీ నేషనల్ క్రష్ గా మారిపోయింది. ఇక ఈ భామ ఇప్పటికే బాలీవుడ్ సూపర్ హిట్ సీక్వెల్ ఆషికీ 3లో ఛాన్స్ కొట్టేసింది. ఇక తెలుగులో కూడా ఓ భారీ పాన్ ఇండియా సినిమాలో ఛాన్స్ కొట్టేసినట్లు తెలుస్తోంది. ఇక ఈ విషయం తెలుసుకున్న నెటిజన్స్... తృప్తి నక్క తోక తొక్కిందిరా అంటూ కామెంట్స్ పెడుతున్నారు. ఆ వివరాల్లోకి వెళితే...

సందీప్ రెడ్డి వంగా తెరకెక్కించిన యానిమల్ సినిమా ఎంత పెద్ద హిట్ అయిందో ప్రత్యేకంగా చెప్పుకోవాల్సిన అవసరం లేదు. ఇక ఈ సినిమా డిసెంబర్ 1న రిలీజ్ అయి... ఇప్పటికీ కలెక్షన్ల వర్షం కురిపిస్తుంది. రణబీర్ కపూర్ హీరోగా, రష్మిక మందన్నా హీరోయిన్ గా తెరకెక్కిన ఈ చిత్రం.. బాక్సాఫీస్ వద్ద మంచి విజయం సాధించింది. ఇక ఈ సినిమాలో మరో కీలక పాత్రలో తృప్తి డిమ్రి నటించింది.

ఇక ఈ భామ యానిమల్ సినిమాలో నటించి.. అందరి చూపు తనవైపుకు తిప్పుకుంది. రష్మిక మందన్నా కంటే.. ఈ భామకే ఎక్కువగా క్రేజ్ వచ్చిందని చెప్పాలి. ఈ సినిమా అనంతరం తృప్తి డిమ్రి గురించి అందరు శోధన చేశారు. అంతే కాదు.. ఈ భామకు వరుస ఆఫర్లు క్యూ కడుతున్నాయి. నిన్న మొన్నటి వరకు త్రిప్తి అంటే ఎవరికి తెలియదు.. కానీ ఇప్పుడేమో నేషనల్ క్రష్ గా మారిపోయింది.

సందీప్ రెడ్డి వంగా పుణ్యమంటూ ఈ బ్యూటీ పేరు ఒకే ఒక్క సినిమాతో స్టార్ హీరోయిన్ లిస్టులోకి చేరిపోయింది. చేసింది చిన్న పాత్ర అయినప్పటికీ చాలా బోల్డ్ పాత్ర కావడంతో కుర్రాళ్ళు తెగ ఫిదా అయిపోయారనే చెప్పాలి. ఇక ఈ భామకు సూపర్ హిట్ సీక్వెల్ లో హీరోయిన్ ఛాన్స్ దక్కింది. ఆషికీ, ఆషికీ 2 సినిమాలు ఎంత సక్సెస్ అయ్యాయో ప్రత్యేకంగా చెప్పుకోవాల్సిన అవసరం లేదు.

నేటికి ఈ సినిమాల పాటలు వింటూ ఉంటాం. అలాంటి చిత్రానికి సీక్వెల్ గా ఆషికీ 3 తెరకెక్కుతుంది. కార్తిక్ ఆర్యన్ హీరోగా తెరకెక్కుతున్న ఈ చిత్రంలో యానిమల్ బ్యూటీ త్రిప్తి డిమ్రి ఛాన్స్ కొట్టేసింది. ఇక ఇదిలా ఉంటే.. మరో తెలుగు బేస్ డ్ పాన్ ఇండియా చిత్రంలో కూడా ఛాన్స్ దక్కించుకుంది ఈ భామ. అది కూడా అల్లు అర్జున్ సినిమాలో ఛాన్స్ కొట్టేసింది ఈ భామ.

త్రివిక్రమ్ అల్లు అర్జున్ కాంబినేషన్ లో రాబోతున్న సినిమాలో యానిమల్ బ్యూటీ త్రిప్తి డిమ్రి హీరోయిన్ గా ఎంపిక అయినట్లు తెలుస్తోంది. అల్లు అర్జున్ సరసన ఈ బ్యూటీ నటిస్తుండటం.. మరింత ఆసక్తి రేకిస్తుంది. వీరి రొమాన్స్ ఎలా ఉండబోతుందోనని ఫ్యాన్స్ లెక్కలు వేసుకుంటున్నారు. ఇక ఈ విషయం తెలుసుకున్న అభిమానులు.. అబ్బా నేషనల్ క్రష్ నక్క తోక తొక్కిందని కామెంట్స్ చేస్తున్నారు. మరి ఇందులో ఎంత నిజం ఉందో తెలియదు కానీ... ప్రస్తుతం హాట్ టాపిక్ గా మారింది.