Don't Miss!
- News ఏపీలో ఎన్నికల ఫలితాలపై చంద్రబాబు ఆసక్తికర వ్యాఖ్యలు..!!
- Finance Sensex News: 1000 పాయింట్లు పెరిగిన సెన్సెక్స్.. దలాల్స్ట్రీట్ దున్నేస్తున్న బుల్స్..
- Sports క్లాసెన్కు కావ్య మారన్ స్పెషల్ గిఫ్ట్!
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
నిజానికి సమంత స్థానంలో అనుపమ ఉండాల్సింది.. కానీ ఆ కారణంగా!
మెగా పవర్ స్టార్ రామ్ చరణ్ - సమంత కాంబినేషన్లో క్రియేటివ్ డైరెక్టర్ సుకుమార్ తెరకెక్కించిన చిత్రం 'రంగస్థలం'. మైత్రీ మూవీ మేకర్స్ బ్యానర్లో వచ్చిన ఈ చిత్రం ఎంతటి విజయం సాధించిందో ప్రత్యేకంగా చెప్పనక్కర్లేదు. విడుదలైన మొదటి రోజు నుంచే సూపర్ హిట్ టాక్ సొంతం చేసుకున్న ఈ చిత్రం.. భారీ స్థాయిలో కలెక్షన్లు కూడా రాబట్టింది.
అంతేకాదు, ఈ సినిమాలో రామ్ చరణ్ కెరీర్ బెస్ట్ పర్ఫార్మెన్స్ ఇచ్చాడు. అలాగే సమంత నటనకూ మంచి మార్కులు పడ్డాయి. వీరితో పాటు ఆది పినిశెట్టి, అనసూయ, జబర్థస్త్ మహేశ్ ఎప్పటికీ గుర్తుండిపోయే పాత్రల్లో కనిపించారు. దీంతో ఈ సినిమా టాలీవుడ్ టాప్ చిత్రాల్లో కూడా స్థానం దక్కించుకుంది.
కొద్దిరోజుల క్రితం ఈ సినిమా కన్నడంలోకి డబ్ అయింది. 'రంగస్థల' పేరుతో అక్కడ విడుదల చేశారు. తెలుగులో ఘన విజయం సాధించిన ఈ సినిమా.. కన్నడంలోనూ ఆకట్టుకుంది. అక్కడ మెగా అభిమానులు ఎక్కువగా ఉండడంతో పాటు, సినిమాలో కంటెంట్ కూడా బాగుండడంతో మంచి కలెక్షన్లు వస్తున్నాయి. ఇలాంటి పరిస్థితుల్లో 'రంగస్థలం'కు సంబంధించిన ఓ ఆసక్తికర విషయం బయటకు వచ్చింది.
ఈ సినిమాలో సమంత చేసిన రామలక్ష్మీ పాత్రకు మొదట అనుపమ పరమేశ్వరన్ను అనుకున్నారట. అయితే, అనివార్య కారణాల వల్ల ఈ అవకాశాన్ని ఆమె కోల్పోయిందట. ఈ విషయాన్ని అనుపమనే స్వయంగా వెల్లడించింది. ప్రస్తుతం ఆమె నటించిన 'రాక్షసుడు' సినిమా త్వరలోనే విడుదల కానుంది. ఈ నేపథ్యంలో ఏర్పాటు చేసిన మీడియా సమావేశంలో అనుపమ ఈ విషయాన్ని వెల్లడించింది.
'రంగస్థలం' గురించి మాట్లాడుతూ.. ''మొదట 'రంగస్థలం'లో నటించే అవకాశం నాకే వచ్చింది. అయితే, అప్పుడు వేరే సినిమాలతో బిజీగా ఉన్నాను. దీంతో డేట్లు సర్ధుబాటు చేయలేకపోయాను. ఆ సినిమా మిస్ అయినందుకు ఇప్పటికీ ఫీల్ అవుతున్నాను. అయితే, సినిమా చూసిన తర్వాత ఇందులో నేను చేయకపోవడమే మంచిదని అనిపించింది. రామలక్ష్మి పాత్రలో సమంత అంత బాగా నటించింది. నేనలా చేసేదాన్నో కాదో చెప్పలేను'' అని చెప్పుకొచ్చింది.