Don't Miss!
- News కేంద్రంలోని బీజేపీ, రాష్ట్రంలోని కాంగ్రెస్ సర్కారును ఏకిపారేసిన కేసీఆర్
- Lifestyle చాణక్య నీతి ప్రకారం, ఈ అలవాట్లు మీకు తెలియకుండానే మీ సంపదను పూర్తిగా నాశనం చేస్తాయి...!
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
తారక్ తర్వాత అనుష్క అలా కనిపిస్తుందట.. ప్రభాస్కు నచ్చిన విషయం కూడా అదే.!
అనుష్క శెట్టి.. తెలుగు రాష్ట్రాల్లో ఈ పేరు తెలియని వారు ఉండరు. అద్భుతమైన నటనకు తోడు అందంతో చాలా కాలం పాటు తెలుగు సినీ ఇండస్ట్రీలో ఓ వెలుగు వెలిగిందీమె. కెరీర్ ఆరంభంలో గ్లామరస్ రోల్స్లో ఎక్కువగా కనిపించిన స్వీటీ.. ఆ తర్వాత తన పాత్రకు ప్రాధాన్యం ఉన్న సినిమాలనే ఒప్పుకుని సక్సెస్ అయింది. ఈ క్రమంలోనే లేడీ ఓరియెంటెడ్ సినిమాలకు సైతం పచ్చ జెండా ఊపి మంచి విజయాలను తన ఖాతాలో వేసుకుంది. గతంలో మాదిరిగా ఈ మధ్య క్రమంగా సినిమాలు చేయని అనుష్క గురించి తాజాగా ఓ వార్త బయటకు వచ్చింది. వివరాల్లోకి వెళితే...
టాలీవుడ్ బిగ్ ఫోర్తో ఆడిపాడింది
అనుష్క.. ‘సూపర్' అనే సినిమా ద్వారా ఇండస్ట్రీకి పరిచయం అయింది. ఆ తర్వాత ఆమె ఎంతో మంది సీనియర్ జూనియర్ హీరోల సరసన నటించింది. ముఖ్యంగా టాలీవుడ్లో బిగ్ ఫోర్గా చెప్పుకునే వెంకటేష్, బాలకృష్ణ, చిరంజీవి, నాగార్జునలతో ఎన్నో మూవీల్లో ఆడిపాడింది. వీరిలో చిరుతో మాత్రం పూర్తి సినిమాలో నటించకపోయినా స్పెషల్ సాంగ్ చేసింది.
ఆ సినిమా అనుష్కకు ప్రత్యేకం
అందంతో పాటు అభినయంలోనూ సత్తా చాటింది అనుష్క. అందుకే ఆమెతో లేడీ ఓరియెంటెడ్ సినిమా తీయడానికి చాలా మంది ప్రయత్నించారు. ఇందులో భాగంగా ఆమె కోడి రామకృష్ణ దర్శకత్వంలో ‘అరుంధతి' అనే సినిమా చేసింది. ఈ మూవీ భారీ విజయాన్ని అందుకోవడంతో పాటు కలెక్షన్లు రాబట్టింది. అలాగే, అనుష్కకు ఎన్నో అవార్డులు తెచ్చి పెట్టింది.
ఆయన మరో లెవెల్కు తీసుకెళ్లాడు
టాలీవుడ్లో టాప్ హీరోయిన్గా కొనసాగుతున్న సమయంలో అనుష్కకు దర్శకధీరుడు రాజమౌళి తెరకెక్కించిన ‘బాహుబలి' సినిమాలో అవకాశం వచ్చింది. ఇందులో కూడా ఆమె అద్భుతమైన నటనను కనబరిచింది. ముఖ్యంగా జక్కన్న.. అనుష్క కోసం డిజైన్ చేసిన పాత్ర మరో లెవెల్ అని చెప్పొచ్చు. ప్రభాస్ సరసన ఆమె ఎంతో హుందాగా నటించి మెప్పించింది.
వికటించిన ప్రయోగం.. మొదలైన కష్టాలు
‘బాహుబలి' పార్ట్ 1 విడుదలైన తర్వాత అనుష్క ‘సైజ్ జీరో' అనే సినిమాలో నటించింది. ప్రకాశ్ కోవెలమూడి తెరకెక్కించిన ఈ సినిమా కోసం ఆమె బాగా బరువు పెరిగిపోయింది. తన కెరీర్ను పణంగా పెట్టినప్పటికీ ఈ సినిమా సక్సెస్ కాలేదు. అలాగే, ఆమె ఇప్పటి వరకు బరువు తగ్గలేకపోయింది. ఇది బాహుబలి 2 సమయంలోనూ జక్కన్నకు సవాల్గా మారింది.
సైలెంట్గా పని కానిచ్చేస్తోంది
ప్రస్తుతం అనుష్క హేమంత్ మధుకర్ దర్శకత్వంలో ‘నిశ్శబ్ధం' అనే సినిమా చేస్తోంది. సరికొత్త లైన్తో వస్తున్న ఈ మూవీని కోన వెంకట్తో పాటు పీపుల్ మీడియా ఫ్యాక్టరీ నిర్మిస్తోంది. ప్రయోగాత్మకంగా వస్తున్న ఈ సినిమాలో మాధవన్ హీరోగా నటిస్తుండగా.. మరో హీరోయిన్ అంజలి కీలక పాత్ర చేస్తోంది. తెలుగుతో పాటు హిందీ, ఇంగ్లీష్లో ఈ మూవీ తెరకెక్కుతోంది.
తారక్ తర్వాత అనుష్క అలా కనిపిస్తుందట
తాజాగా ఈ సినిమాకు సంబంధించిన ఓ వార్త ఇండస్ట్రీ సర్కిళ్లలో చక్కర్లు కొడుతోంది. ఇందులో అనుష్క ఫస్టాప్ మొత్తం మాట్లాడకుండా ఉంటుందట. 2005లో వచ్చిన ‘నరసింహుడు' సినిమాలో సైతం జూనియర్ ఎన్టీఆర్ ఇంటర్వెల్ వరకు మాట్లాడడు. ఇప్పుడు అనుష్క అతడిని ఫాలో అవుతుందట. ఈ అంశం నచ్చే ప్రభాస్ చిత్ర ప్రమోషన్కు సాయం చేస్తానని ఒప్పుకున్నాడని కూడా ప్రచారం జరుగుతోంది.