మైనస్ డిగ్రీల చలిలో అనుష్క సినిమా షూటింగ్!

అనుష్క భాగమతి తర్వాత చాలా లాంగ్ గ్యాప్ తీసుకుంది. భాగమతి చిత్రం 2018 జనవరిలో విడుదలయ్యింది. అంటే దాదాపుగా అనుష్క ఏడాది కాలంగా కెమెరాకు దూరంగా ఉంటోంది. ఆ మధ్యన విదేశాలకు వెళ్లి కాస్త బరువు తగ్గి నాజూకుగా మారింది. ప్రస్తుతం అనుష్క కోనవెంకట్ సమర్పణలో, హేమంత్ మధుకర్ దర్శత్వంలో తెరకెక్కే చిత్రానికి రెడీ అవుతోంది. త్వరలో ఈ చిత్ర ప్రారంభం కానుంది.

సస్పెన్స్ థ్రిల్లర్ గా సాగే ఈ చిత్రంలో అనుష్క ప్రధాన పాత్రలో నటిస్తుండగా, ప్రముఖ నటుడు, మాధవన్ కీలక పాత్ర పోషించబోతున్నాడు. ఈ చిత్రం కోసం ఇటీవల కోనవెంకట్ విదేశాల్లో కొన్ని లొకేషన్స్ ని ఫైనల్ చేశారు. వాటిలో మైనస్ డిగ్రీల ఉష్ణోగ్రత ఉండే ప్రాంతాలు కుడా ఉన్నాయని కోన వెంకట్ తెలిపారు.

ఈ చిత్రానికి సైలెన్స్ అనే టైటిల్ పరిసిలిస్తున్నట్లు తెలుస్తోంది. కొందరు హాలీవుడ్ నటులు కుడా ఈ చిత్రంలో నటించబోతునట్లు తెలుస్తోంది. తెలుగు, తమిళ ద్విభాషా చిత్రంగా దీనిని రూపొందిస్తున్నారు. అనుష్కకు తెలుగుతో పాటు తమిళంలో కుడా మంచి క్రేజ్ ఉంది. ప్రస్తుతం ఈ చిత్రంలో అనుష్క మేకోవర్ కసరత్తులు జరుగుతున్నాయి.