సెటైర్లు వేసిన సమంత.. ప్లీజ్ అలా మాట్లాడొద్దు అని చెప్పిన రామ్ చరణ్ వైఫ్ ఉపాసన!

అందుకే నిన్ను మొదట ఎంచుకున్నా సామ్

‘‘నాకు ఇలాంటి ఇంటర్వ్యూలు చేయడం కొత్త. అందుకే నిన్నే మొదటి గెస్ట్‌గా ఎంచుకున్నారు. నీతో ఉన్న సాన్నిహిత్యం వల్ల రిలాక్స్‌గా ఈ ఇంటర్వ్యూ చేయగలను అని'' అని ఉపాసన.. సమంతకు తెలిపారు.

సెటైర్లు వేసిన సమంత.. ప్లీజ్ అలా మాట్లాడొద్దు అని చెప్పిన రామ్ చరణ్ వైఫ్ ఉపాసన!

ఓ ప్రశ్నకు సమంత స్పందిస్తూ.. ‘చైతన్య, నేను ఇంటి పక్షులం. మీ లాగా (చరణ్, ఉాపాసన) కాదు.' అంటూ సమాధానం ఇచ్చింది. దీనికి ఉపాసన రియాక్ట్ అవుతూ ‘ప్లీజ్ అలా మాట్లాడకు... నువ్వు కూడా మాతో జాయిన్ అవ్వు. అలా తరచూ క్లబ్ అవ్వడం వల్ల ఏం జరుగుతుందో నువ్వే నేర్చుకుంటావ్' అని వ్యాఖ్యానించారు.

సమంత అలా అనడంతో ఉాపాసన ఆశ్చర్యం

‘‘మీరు, చరణ్ కలిసి ఇండస్ట్రీలో యూనిటీ ఉండేలా కృషి చేస్తున్నారు'' అంటూ సమంత వ్యాఖ్యానించగా.... ఉపాసన రియాక్ట్ అవుతూ.. ‘‘అవునా? మాకు కూడా మేము అలా చేస్తున్నామనే ఆలోచన ఎప్పుడూ రాలేదే.. మేము జస్ట్ సరదాగా అందరితో అలా కలుస్తాం.'' అన్నారు.

అలా ఖాళీ కడుపుతో అస్సలు వెళ్లను

‘‘జిమ్ కు వెళ్లే ముందు ఏమీ తినకుండా వెళ్తారా? '' అని ఉపాసన ప్రశ్నించగా... ‘‘లేదు.. ఏమీ తినకుండా అస్సలు వెళ్లను. ప్రోటీన్ షేక్ తీసుకుంటాను. అక్కడ మనం చాలా కేలరీలు బర్న్ చేయాల్సి ఉంటుంది. అందుకే ప్రోటీన్ షేక్, ఎగ్, పీనట్ బటర్ లాంటివి తీసుకుంటాను'' అని సమంత తెలిపారు.

మాలాంటి ఫ్యాట్ పీపుల్ ఆలోచన అదీ

‘‘సో అదన్నమాట సీక్రెట్.. ఫిట్‌గా ఉండే మీ లాంటి వారు ఏదైనా తీసుకున్నాకే వెళతారు. ఫ్యాట్‌గా ఉండే మా లాంటి వారమంతా ఖాళీ కడుపుతో వెళ్లి కేలరీలు కరిగించే ప్రయత్నం చేస్తాం.'' అని ఉపాసన చమత్కరించారు.

నాగార్జున మామ ఫస్ట్

‘‘ఫిట్ నెస్ విషయంలో నాగార్జున మామకు ఫస్ట్ రేటింగ్ ఇవ్వొచ్చు. ఆయన లుక్, బాడీ అద్భుతంగా మెయింటేన్ చేస్తున్నారు. త్వరలో 60వ బర్త్ డే జరుపుకోబోతున్నారు. ఆ తర్వాత చై. సరదాగా కలిసిపుడు కూడా సలాడ్, ఫైబర్ ఫుడ్ మాత్రమే తింటాడు. నేనైతే బిర్యానీ, పనీర్ బటర్ మసాలా లాంగించేస్తాను'' సమంత అన్నారు.

యాక్టర్ అవ్వకపోతే..

‘‘యాక్టర్ అయ్యుండకపోతే ఏం చేసేదానివి'' అనే ప్రశ్నకు స్పందిస్తూ.. ‘‘డెస్క్ జాబ్ చేసే దాన్నేమో. కానీ అది చాలా బోరింగ్ గా ఉంటుంది.'' అని సమంత తెలిపారు. ‘నేను స్ట్రాంగెస్ట్ ఉమెన్ యాక్టర్ అనే రూమర్ వస్తే బావుండు' అనిపిస్తుందని మరో ప్రశ్నకు సమంత ఆన్సర్ ఇచ్చారు.

103 కేజీల బరువు ఎత్తగలను

నేను 103 కేజీల బరువు ఎత్తగలను.. అని సమంత తెలుపగా... అంటే మీ భర్తను కూడా మీరు ఈజీగా ఎత్తగలరంటూ ఉపాసన ఆటపట్టించే ప్రయత్నం చేసింది. నాకు మియామి మ్యూజిక్ ఫెస్టివల్ అంటే ఇస్టమని సమంత ఈ సందర్భంగా తెలిపారు.