ఆ హీరోపై బాలయ్య హీరోయిన్ సంచలన కామెంట్స్​.. పాపం సెట్​లో తనను అంత నీచంగా చూశారా!

హాట్ బ్యూటీ రాధిక ఆప్టే గురించి తెలిసిందే. అందాల ఆరబోతకు కేరాఫ్ అడ్రెస్​. సూపర్ బోల్డ్ పోజులిస్తూ కుర్రకారు హృదయాలకు చెమటలు పట్టించి కొల్లగొట్టేస్తుంది. తెలుగుతో పాటు హిందీ, మరాఠీ, బెంగాలీ సినిమాల్లో నటించి ఆకట్టుకుంది. టాలీవుడ్​లో రక్త చరిత్ర సినిమాతో ఏంట్రీ ఇచ్చి ఆ తర్వాత బాలయ్యతో లెజెండ్, లయన్ చిత్రాల్లో నటించి తెలుగు ప్రేక్షకులకు దగ్గరైంది. ఈ భామ అందాలకు ఎంతో మంది తెలుగు సినీ ప్రియులు ఫిదా అయ్యారు. అయితే ఈ నాజూకు అందాల భామ తెలుగు ఫిల్మ్​ ఇండస్ట్రీపై షాకింగ్ కామెంట్స్ చేసింది. దానికి సంబంధించిన వీడియో ప్రస్తుతం నెట్టింట్లో తెగ వైరల్ అవుతోంది.

బాలీవుడ్ బోల్డ్ అండ్ డాషింగ్​ బ్యూటీ రాధికా ఆప్టే తన సినిమాల కన్నా అందాల ప్రదర్శనతోనే ఎక్కువ ఫేమస్​ అయింది. ఎందుకంటే కథ డిమాండ్ చేస్తే న్యూడ్​గా నటించేందుకు రెడీ అంటుందీ భామ. అస్సలు ఎక్కడా తగ్గదు. అయితే ఆమెకు పెద్దగా భారీ సినిమా ఆఫర్స్ లేనప్పటికీ క్రేజ్ మాత్రం అలానే ఉంది. ప్రస్తుతం వెబ్ సిరీస్‌లలో ఎక్కువగా నటిస్తోంది.

మొదటగా ఈమె తెలుగులో రామ్​గోపాల్ వర్మ రక్త చరిత్రతో సిల్వర్​ స్క్రీన్ ఎంట్రీ ఇచ్చింది. అనంతరం తమిళంలో ధోనీ చిత్రంతో హీరోయిన్‌గా ఎంట్రీ ఇచ్చింది. ఆ తర్వాత పలు భాషల్లో నటించి ఓ ప్రత్యేక గుర్తింపును సంపాదించుకుంది. ఈ క్రమంలోనే తెలుగు చిత్రపరిశ్రమలో నందమూరి బాలకృష్ణ సరసన లెజెండ్, లయన్ చిత్రాల్లో నటించి మెప్పించింది.

తమిళంలో రజనీకాంత్​తో కబలి చిత్రం కూడా చేసింది. అనంతరం బాలీవుడ్‌లోనూ వరుసగా ఆఫర్లను అందుకుని స్టార్ స్టేటస్​ను అందుకుంది. ఫోబియా, విక్రమ్​ వేద, మోనికా, ఓ మై డార్లింగ్ చిత్రాలను చేసింది. బెంగాలీలో అంతహీన్ అనే చిత్రం కూడా చేసింది. ఇక పెళ్లి తర్వాత మాత్రం సినిమాలను సెలెక్టివ్‌గా చేసుకుంటూ కెరీర్​లో ముందుకెళ్తోంది. ఈ మధ్యే తాను డైరెక్టర్‌గా కూడా మారేందుకు రెడీ అవుతున్నట్లు తెలిపింది. త్వరలోనే ఓ సినిమా తెరకెక్కించనున్నట్లు పేర్కొంది.

ఇక ఇదే సమయంలో రాధికా పలు వివాదాలకు కూడా కేరాఫ్‌గా నిలిచింది. ముఖ్యంగా బోల్డ్ యాక్టింగ్‌తోనే బాగా విమర్శలు ఎదుర్కొంది. అయితే తాజాగా ఈ భామకు సంబంధంచిన ఓ వీడియో సోషల్ మీడియాలో వైరల్​ అవుతోంది. ఇందులో ఆమె తెలుగు ఫిల్మ్​ ఇండస్ట్రీపై సంచలన కామెంట్స్ చేసింది. ఇందులో ఆమె మాట్లాడుతూ..తెలుగు ఇండస్ట్రీలో తాను ఎన్నో ఇబ్బందులను ఎదుర్కొన్నట్లు తెలిపింది. పురుష ఆధిపత్య ఇండస్ట్రీ అని చెప్పింది. సెట్​లో ఓ థర్డ్​ పర్సన్​లా ట్రీట్ చేసేవారని, అస్సలు సరిగ్గా పట్టించుకునే వారు కాదని చెప్పింది. ఇలాంటి సంఘటనల వల్ల తాను చాలా ఇబ్బంది పడినట్లు చెప్పుకొచ్చింది.

అయితే ఈ భామ తెలుగులో నటించింది బాలయ్యతోనే. ఇతర హీరోలతో నటించలేదు. మరి ఎందుకు ఈ మాట, ఎవరిని ఉద్దేశించి అన్నదో క్లారిటీ లేదు. మరో విషయమేమిటంటే ఇప్పుడు ట్రెండ్ అవుతున్న ఈ రాధికా ఆప్టే వీడియో లేటెస్ట్ ది కాదు! పాతదే అని అర్థమవుతోంది. కానీ దీన్నే మళ్లీ కొంతమంది నెటిజన్లు బాగా ట్రెండ్ చేస్తున్నారు.