Don't Miss!
- Sports ధోనీ సార్ ధోనీ.. అంతే: సౌండ్ లెవెల్ ఏ రేంజ్లో ఉందంటే..
- News ఏపీలో తీవ్ర వడగాల్పులు: అప్రమత్తంగా ఉండక తప్పదు
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
Alia Bhatt: నోరు జారిన RRR బ్యూటీ.. రూ. 500 కోట్ల ఫ్లాప్ బస్టర్ చేద్దామని ట్రోలింగ్
ప్రస్తుతం బాలీవుడ్ కష్ట కాలం ఎదుర్కొంటున్నట్లే కనిపిస్తుంది. బాయ్కాట్ పేరిట హిందీ చిత్రాలకు, హీరోలకు చుక్కలు చూపిస్తున్నారు నెటిజన్లు. ఏం కొంచెం నోరు జారున ఇబ్బందుల్లో పడిపోతున్నారు. కాన్ఫిడెంట్ అనాలో, లేదా ఓవర్కాన్ఫిడెంట్తోనో బీటౌన్ డైరెక్టర్ అనురాగ్ కశ్యప్, హీరోయిన్ తాప్సీ బాయ్కాట్పై నోరు జారి బోర్ల బొక్కల పడిన విషయం తెలిసిందే. వారి కాంబినేషన్లో వచ్చిన దొబారా చిత్రానికి కనీసం 2 నుంచి 5 శాతం ఆక్యుపెన్సీ లేకపోవడంతో సినిమాను తీసేసారు డిస్ట్రీబ్యూటర్లు. ఇప్పుడు అలాగే బాలీవుడ్ గంగూబాయి బాయ్కాట్పై నోరు జారింది. మరి అది ఎలానో చదివేద్దామా!
దర్శకుడి కుమార్తెగా..
స్టూడెంట్ ఆఫ్ ది ఇయర్ మూవీతో హిందీ చిత్రసీమకు హీరోయిన్గా పరిచయమైన ముద్దుగుమ్మ అలియా భట్. ప్రముఖ బాలీవుడ్ దర్శకుడు మహేశ్ భట్ కుమార్తెగా సినీ రంగంలోకి అడుగు పెట్టిన ఈ క్యూట్ గుమ్మ తర్వాత తన నటనతో అభిమానులను సంపాదించుకుంది.
ఆర్ఆర్ఆర్లో సీతగా..
2 స్టేట్స్, హైవే, డియర్ జిందగీ, ఉడ్తా పంజాబ్, రాజీ, గల్లీ బాయ్, కలంక్ వంటి తదితర సినిమాలతో ప్రేక్షకులను కట్టిపడేసింది. అలాగే ఇటీవలే దర్శక దిగ్గజం రాజమౌళి తెరకెక్కించిన ఆర్ఆర్ఆర్ సినిమాలో సీతగా నటించి తెలుగు ప్రేక్షకుల మనసులను దోచుకుంది.
ప్రమోషన్స్లో భాగంగా..
ప్రస్తుతం అలియా భట్, ఆమె భర్త రణ్బీర్ కపూర్ తొలిసారి జంటగా నటించిన చిత్రం బ్రహ్మాస్త్ర సెప్టెంబర్ 9న బ్రహ్మాండంగా విడుదల కానుంది. ఈ క్రమంలో సినిమా ప్రమోషన్స్లో భాగంగా ఇటీవల ఓ మ్యాగజైన్కు ఇంటర్వ్యూ ఇచ్చింది అలియా భట్.
అలా ఎవరు కోరుకోరు..
ఈ ఇంటర్వ్యూలో బాయ్కాట్ ట్రెండ్, నెపోటిజంపై అలియా భట్ స్పందించింది. ''ఫలనా వాళ్ల కుటుంబంలో పుట్టాలని ఎవరు కోరుకోరు. అలానే మనం పుట్టం. నేను అలా కోరుకోలేదు. సినీ బ్యాక్గ్రౌండ్ ఉన్న కుటుంబంలో పుడితే అది మొదటి చిత్రం వరకే ఉపయోగపడుతుంది.
అది నా తప్పంటే ఎలా?
అసలు ఆ కుటుంబంలో పుట్టడమే నా తప్పంటే ఎలా? మీకు నేను ఇష్టం లేకపోతే చూడకండి'' అంటూ ఘాటుగానే స్పందించింది. ప్రస్తుతం ఈ కామెంట్స్ సోషల్ మీడియాలో వైరల్ అవుతున్నాయి. అలియా చేసిన కామెంట్స్పై నెటిజన్లు ట్రోలింగ్ చేస్తున్నారు. ఇక అలియా నటించే ఏ సినిమాను చూడొద్దు అంటూ పోస్ట్లు పెడుతున్నారు.
రూ. 500 కోట్ల ఫ్లాప్ బస్టర్ చేద్దాం..
''అలియా కోరిక మేరకు బ్రహ్మాస్త్ర చిత్రాన్ని రూ. 500 కోట్ల ఫ్లాప్ బస్టర్ చేద్దాం. వారికి మనం కేవలం టికెట్ల లాంటివాళ్లం మాత్రమే. వారికి మన డబ్బులు కావాలి అంతే. మనం అవసరం లేదు'' అని ట్రోలింగ్ మొదలెట్టేసారు.
కామెంట్స్తో దెబ్బతిన్న కరీనా..
ఇది వరకు లాల్ సింగ్ చద్ధా సినిమా ప్రమోషన్ల సమయంలో కరీనా కపూర్ ఇలాంటి వ్యాఖ్యలే చేసింది. ఇష్టం లేకపోతే సినిమాలు చూడటం మానేయండని చేసిన కామెంట్స్ను సీరియస్గా తీసుకున్న నెటిజన్లు ఆ సినిమాకు ఎలాంటి రిజల్ట్ చూపించారో తెలిసిందే. ఇక ఇప్పుడు అలియా చేసిన కామెంట్స్ బ్రహ్మాస్త్ర మూవీపై ఎలాంటి ప్రభావం చూపిస్తుందో కాలమే చెప్పాలి.
Congratulations, Next Kareena hui hai.. pic.twitter.com/2qG4jSgKBd
— Lala 🇮🇳 (@FabulasGuy) August 22, 2022