ఐదు నెలలు వేచి చూశా.. ఆ ఫీలింగ్ కలుగలేదు.. మెహ్రీన్ ఫిర్జాదా

ఎన్టీఆర్‌కు థ్యాంక్స్

ప్రేక్షకులు, అభిమానులకు సంక్రాంతి శుభాకాంక్షలు. ముఖ్య అతిథిగా వచ్చిన ఎన్టీఆర్‌కు, నిర్మాత దిల్ రాజుకు నా థ్యాంక్స్. ఎంత మంచివాడవురా సినిమా టైటిలే కాదు. ఈ చిత్ర యూనిట్‌లో ప్రతీ ఒక్కరిని చూస్తే ఎంత మంచి వాళ్లురా అని అనాలి అనిపిస్తుంది అని మెహ్రీన్ అన్నారు.

ఐదు నెలలు వేచి చూశా

F2 సినిమా తర్వాత ఐదు నెలలు వేచి చూశాను. మంచి పాత్ర పోషించాలని చాలా సినిమాలు వదులుకొన్నాను. చివరకు ఎంత మంచి వాడవురా సినిమాలో నందు పాత్ర లభించింది. ఈ చిత్రంలో నా పాత్రలో చాలా వేరియేషన్స్ ఉన్నాయి. ఇంత మంచి పాత్రను ఇచ్చిన నిర్మాతలకు, దర్శకులకు నా ధన్యవాదాలు అని మెహ్రీన్ అన్నారు.

ఫ్యామిలీలో ప్రతీ ఒక్కరికి

దర్శకుడు సతీష్ వెజ్నేశ కథ చెప్పినప్పుడే సినిమా బాగా నచ్చింది. ఈ సినిమాలో నటిస్తున్నప్పుడు సినిమా చేస్తున్నాననే ఫీలింగ్ కలుగలేదు. ఓ కుటుంబంతో గడిపాననే భావన కలిగింది. ఇది ఫ్యామిలీ సినిమా. ప్రతీ ఒక్కరికి నచ్చుతుంది. ఫ్యామిలీలో ప్రతీ ఒక్కరికి కనెక్ట్ అవుతుంది అని మెహ్రీన్ అన్నారు.