Click it and Unblock the Notifications
HBD Mamita Baiju: మమితా బైజుకు బర్త్డే ట్రీట్.. ప్రేమలు బ్యూటీకి ఓవర్నైట్ స్టార్ డమ్
HBD Mamita Baiju: ఒక్క సినిమాతో సెన్సేషన్ క్రియేట్ చేసిన ముద్దుగుమ్మ ఎవరైనా ఉన్నారా అంటే? అది యంగ్ హీరోయిన్ మమిత బైజు అనే చెప్పాలి. ప్రేమలు మూవీతో ఒక్కసారిగా కోలీవుడ్ ఇండస్ట్రీనే షేక్ చేసింది ఈ ముద్దుగుమ్మ. ఒక్క సినిమా ఆమె జీవితం పూర్తిగా మారిపోయింది. ఆ సినిమాలో రీను పాత్రతో ప్రేక్షకుల మనసులను గెలుచుకుంది మమితా. నేడు తెలుగు, తమిళ, మలయాళ భాషల్లో వరుస అవకాశాలతో దూసుకుపోతోంది.
జూన్ 22, 2001న కేరళలోని కిడంగూర్లో జన్మించిన మమితా బైజు.. సినిమాల్లోకి రాకముందు సైకాలజీ చదివింది. చిన్నప్పటి నుంచే నటనపై ఆసక్తి ఉన్న ఆమె 2017లో విడుదలైన 'సర్వోపరి పాలక్కారన్' సినిమాతో వెండితెరకు పరిచయమైంది. ఆ తర్వాత పలు మలయాళ సినిమా నటించినప్పటికీ, ఆమెకు పెద్దగా గుర్తింపు రాలేదు. అయితే కష్టపడి అవకాశాలను అందిపుచ్చుకుంటూ ముందుకు సాగింది.
2024లో విడుదలైన 'ప్రేమలు' సినిమా మమితా కెరీర్ను పూర్తిగా మార్చేసింది. నస్లెన్ సరసన ఆమె రీను అనే పాత్రలో యూత్ ను అట్రాక్ట్ చేసింది. తన నేచురల్ యాక్టింగ్, క్యూట్ ఎక్స్ప్రెషన్స్,స్క్రీన్ ప్రెజెన్స్తో సోషల్ మీడియాలో ఒక సారిగా ట్రెండింగ్ స్టార్గా మారిపోయింది. ముఖ్యంగా తెలుగు రాష్ట్రాల్లోనూ 'ప్రేమలు' సినిమా సక్సెస్ కావడంతో మమితాకు భారీ ఫ్యాన్ ఫాలోయింగ్ ఏర్పడింది. ఈ సినిమా తర్వాత మమితా బైజుకు అవకాశాలు వరుసగా క్యూ కట్టాయి. తమిళంలో 'డ్యూడ్' సినిమా ఆమెకు మరో పెద్ద విజయాన్ని అందించింది. దీంతో కోలీవుడ్లోనూ ఆమె డిమాండ్ అమాంతం పెరిగిపోయింది.
ప్రస్తుతం మమితా బైజు చేతిలో ఎన్నో భారీ ఉన్నాయి. దీని బట్టే ఆమె క్రేజ్ ఏంటో అర్థమవుతుంది. తమిళ స్టార్ హీరో విజయ్ నటిస్తున్న 'జననాయక్' సినిమాలో ఆమె కీలక పాత్ర పోషిస్తోంది. అలాగే ధనుష్, సూర్య వంటి అగ్ర హీరోల సినిమాల్లో నటించే అవకాశం దక్కించుకుంది. ఈ సినిమాలతో ఆ క్రేజ్ మరింత పెరిగింది.
ఇక తెలుగు ప్రేక్షకులు ఆసక్తిగా ఎదురుచూస్తున్న 'విశ్వనాథ్ & సన్స్' సినిమాలో కూడా మమితా బైజు నటిస్తోంది. వెంకీ అట్లూరి దర్శకత్వం వహించారు. ఈ సినిమాలో సూర్య సరసన మమితా బైజు హీరోయిన్గా నటిస్తోంది. తాజాగా ఈ సినిమా నుంచి విడుదలైన 'నేనో బటర్ఫ్లై' పాట కూడా సోషల్ మీడియాలో భారీ స్పందన వస్తుంది. తాజాగా ఈ అమ్మడు పుట్టిన రోజు సందర్బంగా స్పెషల్ పోస్టర్ ను విడుదల చేశారు.
ఒక చిన్న పాత్రతో కెరీర్ ప్రారంభించి, 'ప్రేమలు'తో ఓవర్నైట్ స్టార్గా మారి, ఇప్పుడు సూర్య, విజయ్, ధనుష్ వంటి స్టార్ హీరోల సరసన నటించే స్థాయికి ఎదిగింది మమితా బైజు. ఆమె సినీ ప్రయాణం నిజంగా ఇన్సిరేషన్ అనే చెప్పాలి. రాబోయే రోజుల్లో మరిన్ని విజయాలు అందుకోవాలని, సినిమా ప్రపంచంలో ప్రత్యేక స్థానం సంపాదించుకోవాలని అభిమానులతో పాటు ఫిల్మీ బీట్ తెలుగు కోరుకుంటుంది. మరోసారి HBD Mamita Baiju.
Continue with Google