Kriti Shetty అందాలతో ఆకట్టుకొంటున్న ఉప్పెన భామ, ఫ్యాషన్ వెనుక సీక్రెట్ ఎవరంటే?

ఉప్పెన, శ్యామ్ సింగరాయ్‌తో

కృతిశెట్టి కెరీర్ విషయానికి వస్తే.. వైష్ణవ్ తేజ్‌తో కలిసి ఉప్పెన సినిమాతో టాలీవుడ్‌లోకి ఎంట్రీ ఇచ్చింది. ఆ సినిమా భారీ సక్సెస్ కావడంతో భారీగా ఆఫర్లను చేజిక్కించుకొన్నది. తాజాగా నటించిన శ్యామ్ సింగరాయ్ చిత్రంలో ఆమె పాత్ర యూత్‌తోపాటు అన్ని వర్గాలను ఆకట్టుకొంటున్నది. ప్రస్తుతం ఆమె ఫ్యాషన్ ట్రెండింగ్‌గా మారింది.

టాలీవుడ్ ఆశా పరేఖ్ అంటూ నారాయణమూర్తి

కృతిశెట్టిని చూస్తే పక్కింటి అమ్మాయిలా ఉంటుంది. కేవలం అందమే కాదు.. అభినయంతో కూడా అందర్నీ ఆకట్టుకొంటున్నది. గతంలో భారతీయ సినిమా పరిశ్రమను ఏలిన అందాల తార ఆశా పరేఖ్ మాదిరిగా ఉంది. ఆశా పరేఖ్ మాదిరిగా దేశం గర్వించదగిన హీరోయిన్ కావాలి అని ఆర్ నారాయణ మూర్తి కితాబిచ్చారు.

ఫ్యాషన్ దుస్తులతో హంగామా

అయితే ఇటీవల శ్యామ్ సింగరాయ్ సినిమా ప్రమోషన్ కార్యక్రమాల్లో కృతిశెట్టి ధరించిన దుస్తులు అందర్ని ఆకట్టుకొన్నాయి. అయితే ఆమె ధరించిన డ్రెస్సెస్ అభిమానులను ఆకట్టుకొన్నాయి. ఆమె ధరించే ఫ్యాషన్ దుస్తుల వెనుక సీక్రెట్ ఆమె తల్లి కారణం. కృతిశెట్టి తల్లి ఫ్యాషన్ డిజైనర్ కావడంతో ఆమె అందం ఉట్టిపడేలా అందర్నీ ఆకర్షించే విధంగా డ్రస్సులు ధరిస్తున్నారనే విషయం బయటకు వచ్చింది.

మోడరన్ గర్ల్‌గా

కృతిశెట్టి కేవలం పక్కింటి అమ్మాయిగానే కాకుండా మోడరన్ గర్ల్‌గా తనదైన శైలిలో ఆకట్టుకొంటున్నది. ఇటీవల ఆమె ధరించిన దుస్తులు మీడియాలోను, సోషల్ మీడియాలోను వైరల్‌గా మారాయి. ఆమె లుక్, ఫోటోలు స్పెషల్ ఎట్రాక్షన్‌గా మారుతున్నాయి. అభిమానులు ఆమె అందానికి ముగ్దులు అవుతున్నారు.

కృతిశెట్టి సినిమా కెరీర్ ఇలా..

ఇక కృతిశెట్టి సినిమాల విషయాలకు వస్తే.. ప్రస్తుతం అక్కినేని నాగార్జున, నాగచైతన్య నటిస్తున్న బంగార్రాజు చిత్రంలో కీలక పాత్రలో నటిస్తున్నారు. అలాగే ఇంద్రగంటి మోహన్ కృష్ణ దర్శకత్వంలో వస్తున్న చిత్రంలో సుధీర్ బాబుతో కలిసి నటిస్తున్నారు. ఇకా జూనియర్ ఎన్టీఆర్, అల్లు అర్జున్, రాంచరణ్, యష్ చిత్రాల్లో కృతిశెట్టిని హీరోయిన్‌గా పరిశీలిస్తున్నట్టు వార్తలు వస్తున్నాయి.