నిధి అగర్వాల్ ఎంగేజ్‌మెంట్! ఎవరితో.. ఫ్యాన్స్‌కు ఇస్మార్ట్ బ్యూటీ షాక్

కేఎల్ రాహుల్‌తో

హిందీలో మున్నా మైఖేల్‌తో సినీ రంగ ప్రవేశం తర్వాత క్రికెటర్ కేఎల్ రాహుల్‌తో ప్రేమాయణం అంటూ జోరుగా నడిపించినట్టు వార్తలు వచ్చాయి. అంతేకాకుండా వారిద్దరూ స్థిరమైన బంధాన్ని ఏర్పరుచుకోవడానికి ప్రయత్నిస్తున్నారనే వార్తల మధ్య బ్రేకప్ పడింది. అప్పటి నుంచి సింగిల్‌గానే ఉంటున్నారు.

ఎంగేజ్డ్ స్టాటస్‌తో కన్‌ఫ్యూజన్

కానీ తాజాగా ఇన్స్‌టాగ్రామ్‌లో ఎంగేజ్డ్ అనే స్టాటస్‌ను పెట్టి నిధి అగర్వాల్ ఆశ్చర్యానికి గురిచేసింది. ఆ స్టాటస్ చూసిన నెటిజన్లకు చాలా సందేహాలు వ్యక్తమయ్యాయి. నిధి పెళ్లి చేసుకోబోతుందా? ఇది ఎలా జరిగింది? అంటూ ప్రశ్నలు కుప్పలుగా వచ్చాయి. ఈ క్రమంలో ఓ అభిమాని తన సందేహాన్ని ఆపుకోలేక ఇంతకీ ఏం జరిగింది. వెంటనే సమాధానం ఇవ్వు అంటూ ప్రశ్నించాడు.

కంగారు పడిన ఫ్యాన్స్

అభిమానుల అసహనాన్ని చూడలేక నిధి తనదైన శైలిలో సమాధానం ఇచ్చింది. అభిమానులు మీరు కంగారు పడొద్దు అంటూ పోస్టు పెట్టింది. అబ్బాయిలు నేను ఎవరినీ ఎంగేజ్ చేసుకోలేదు అంటూ ఓ కామెంట్ పెట్టింది. దాంతో ఫ్యాన్స్ చల్లబడిపోయారు. ఆ విధంగా నిధి కంగారు పెట్టింది. అయితే ఇంకా ఎంగేజ్డ్ స్టాటస్‌పై అలానే సందిగ్దత తొలిచివేస్తున్నది.

ఇస్మార్ట్ తర్వాత తెలుగులో, హిందీలో

ఇక ఇస్మార్ట్ శంకర్ తర్వాత తెలుగులో సాయిధరమ్ తేజ్‌తో జతకడుతున్నట్టు వార్తలు వచ్చాయి. ప్రతీరోజు పండగే సినిమా తర్వాత సాయిధరమ్ తేజ్ నటించే చిత్రంలో నిధికి ఆఫర్ దొరికిందనే వార్త మీడియాలో స్వైరవిహారం చేస్తున్నది. అలాగే హిందీలో రెండు సినిమాలు కమిట్ అయ్యారు. ఇక్కా, మాస్క్ చిత్రాల్లో నిధి నటిస్తున్నారు.