Don't Miss!
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
నయనతారపై మరో రూమర్... అత్యుత్సాహంతో గందరగోళం
గ్లామర్ హీరోయిన్ నుంచి లేడీ సూపర్స్టార్గా మారిన నయనతార వరుస విజయాలతో దూసుకెళ్తున్నది. దక్షిణాదిలో అగ్రహీరోల సరసన నటిస్తూ హాట్ హీరోయిన్గా ప్రేక్షకులచే మార్కులు వేయించుకొంటున్నది. వెండితెర మీద వెలుగుతున్న ఈ అందాల భామ ఇప్పుడు బుల్లితెర మీద హోస్ట్గా రాబోతున్నదనే వార్త వైరల్గా మారింది. అయితే ఇది నిజమా? అబద్ధమా అనే తీవ్ర చర్చ జరుగుతున్నది. ఈ వార్త వెనుక అసలు నిజమేమిటంటే..
బిగ్బాస్ హోస్ట్గా అని
తమిళ బిగ్బాస్ హోస్ట్గా వ్యవహరిస్తున్న కమల్ హాసన్ రాజకీయాల్లో బిజీగా మారడంతో ఆయన స్థానంలో నయనతార హోస్ట్గా వ్యవహరిస్తున్నారనే వార్త దక్షిణాది మీడియాలో హల్చల్ చేసింది. బిగ్బాస్ 3 కోసం హోస్ట్గా గ్రీన్ సిగ్నల్ ఇచ్చారంటూ కథనంలో పేర్కొన్నారు. దాంతో నయనతార నిజంగా ఒకే చెప్పిందా అనే విషయంపై పలువురు ఆరా తీయగా అసలు విషయం తెలిసింది.
టీవీలో నయనతార సినిమా
వాస్తవానికి నయనతార గురించి రాసిన ఆ వార్త ఉద్దేశం ఏమిటంటే.. ఆమె నటించిన ఇమైకా నోడిగళ్ సినిమాను సదరు ఛానెల్లో ప్రసారం కాబోతున్నదట. దాంతో ఆ టెలివిజన్కు క్రేజ్ పెంచుకోడానికి బిగ్బాస్ అంశాన్ని తెరపైకి తెచ్చిందట. దాంతో రెండు రోజులపాటు హడావిడి తర్వాత ఆ వార్తకు కాలం చెల్లింది.
ఛానెల్ హడావిడితో గందరగోళంగా
హీరో ఆర్య స్వయంవరంతో తమిళ మీడియాలో హడావిడి చేసిన ఓ ఛానెల్ నయనతారను ఈ పబ్లిసిటీలోకి లాగింది. తన టెలివిజన్ ఛానెల్ రేటింగ్ను పెంచుకొనే భాగంగా ఓ వార్తను మీడియాలోకి వదిలింది. ఆ వార్త మీడియాలో వైరల్ కావడంతో నిజానిజాల కోసం ప్రయత్నించారు. తీరా చూస్తే టెలివిజన్ హడావిడి చేసిందనే విషయం బయటకు వచ్చింది. ఈ గందరగోళానికి అసలు కారణం తెలియడంతో సినీ వర్గాలు అవాక్కయ్యాయి.
అగ్రహీరోలతో జోష్గా నయనతార
ప్రస్తుతం నయనతార కెరీర్ విషయానికి వస్తే, చిరంజీవితో సైరాలో హీరోయిన్గా నటిస్తున్నది. అలాగే సూపర్స్టార్ రజనీకాంత్తో దర్బార్లో, ఇళయ దళపతి విజయ్, శివకార్తికేయన్తో ఓ చిత్రంలో నటిస్తున్నది. సైరా విడుదలకు సిద్ధమవుతుండగా, దర్బార్ సినిమా షూటింగ్ ప్రస్తుతం ముంబైలో జరుగుతున్నది.