గోవా ఫిల్మ్ ఫెస్ట్: శ్రీదవిపై జాహ్నవి పద్యం, అంతా ఎమోషనల్ అయ్యారు..

తల్లిని కోల్పోవడంపై

తల్లిని కోల్పోవడం తీరని లోటు, ఆ లోటు మా ఫ్యామిలీలో ఎప్పటికీ అలాగే ఉంటుంది. ఈ ఏడాది నేను ఊహించని సంఘటనలు, పరిస్థితులు ఏదురయ్యాయి. అయితే మా ఫ్యామిలీ అంతా ఒకటి అవ్వడం సంతోషాన్ని ఇచ్చింది అని జాహ్నవి తెలిపారు.

ఆ షాక్ నుంచి బయట పడలేదు

అమ్మ చనిపోయిన షాక్ నుంచి మేము ఇంకా తేరుకోలేదు. ఆ సమయంలో మాకు సపోర్టుగా ఉన్న ప్రతి ఒక్కరికీ ధన్యవాదాలు. అందరి సపోర్ట్ వల్లే నేను బాధలోనూ పని చేయగలిగాను. మా తల్లిదండ్రులు గర్వపడేలా చేయడమే ఇకపై నా లక్ష్యం... అని జాహ్నవి కపూర్ తెపారు.

మధుబాలపై జాహ్నవి ప్రశంసలు

తనకు ఇష్టమైన నటి మధు బాల అని జాహ్నవి తెలిపారు. ఆమె ఎన్నో మంచి పాత్రలు చేశారు. నటన పరంగా, కథల ఎంపిక పరంగా ఆమె నుంచి మా లాంటి వారు నేర్చుకోవాల్సింది ఎంతో ఉంది అన్నారు.

ఫిమేల్ ఓరియెంటడ్ సినిమా అనడం సరికాదు..

ఈ మధ్య కాలంలో వచ్చే సినిమల్లో నటీమణుల ప్రధాన్యం ఎక్కువ ఉంటే వాటికి లేడీ ఓరియెంటెడ్ సినిమా అనే ట్యాగ్ తగిలిస్తున్నారు. ఇలాంటి ధోరణి సరికాదు. గతంలో మనకు ‘మదర్ ఇండియా', ‘చాల్ బాజ్', ‘సీతా ఔర్ గీతా', ‘సుజాతా' లాంటి సినిమాలు వచ్చాయి. ఈ సినిమాలన్నింటిలో నటీమణుల ప్రాధాన్యత ఎక్కువ. కానీ వాటిని అపుడు ఫిమేల్ ఓయెంటెడ్ సినిమా అనే ట్యాగ్ తగిలించలేదని జాహ్నవి కపూర్ గుర్తు చేశారు.

జాహ్నవి ఫేవరెట్ బాలీవుడ్

మధుబాల తన ఫేవరెట్ బాలీవుడ్ నటి అని చెప్పిన జాహ్నవి... ఆమె కేవలం అందగత్తె మాత్రమే కాదు, మంచి నటి కూడా. మొఘల్-ఇ-అజమ్ చిత్రంలో ఆమె అద్భుతంగా నటించింది, ఆమెలా ఎవరూ చేయలేరని తెలిపారు.