కొత్త బిజినెస్‌లోకి కాజల్ అగర్వాల్.. ఎలాంటి వ్యాపారం ఎంచుకొన్నారంటే!

మెడిటేషన్‌తో జీవితం ఆహ్లాదకరంగా

గత కొద్ది సంవత్సరాలుగా నా గురించి నేను వెతుక్కోవడం ప్రారంభించాను. మెడిటేషన్ నా జీవితంలో భారీ పాత్రను పోషిస్తున్నది. నీకు నీవుగా ఎస్టాబ్లిష్ కావడానికి మెడిటేషన్ చాలా ఉపయోగపడుతున్నది. నేను మైత్రేయ దాదాశ్రీజీని బోధనలను అనుసరిస్తుంటాను. ఆయన రాసిన పుస్తకం ది కాజ్ ఆఫ్ సఫరింగ్ ఈజ్ ది ల్యాక్ ఆఫ్ లవ్ అనే పుస్తకం నాపై ప్రభావితం చేసింది అని కాజల్ తెలిపారు.

గౌతమ్‌తో పెళ్లి తర్వాత జీవితం..

గౌతమ్‌తో పెళ్లి తర్వాత జీవితం అమేజింగ్. పెళ్లి తర్వాత నా అలవాట్లు, జీవనశైలి అంతా మారిపోయింది. బిజీగా ఉన్నప్పటికీ మేమిద్దరం కలిసి ఎక్కువ సమయాన్ని గడుపుతున్నాం. జీవిత భాగస్వామి పర్‌ఫెక్ట్‌గా ఉంటే జీవితం అద్భుతంగా ఉంటుందనే విషయం గౌతమ్ లాంటి భర్త దొరికిన తర్వాత స్పష్టమైంది అని కాజల్ తెలిపారు.

మా పేరుతో హ్యాష్ ట్యాగ్ బ్రాండ్‌గా

నా పెళ్లి సమయంలో మా ఇద్దరి పేర్లు కలిపి కిచ్‌డ్‌ (Kitched) అనే హ్యాష్ ట్యాగ్ ట్రెండ్ అయింది .ఇప్పుడు ఆ హ్యాష్ ట్యాగ్‌తో హిచ్‌డ్ (hitched) పదం ఇప్పుడు మా హోం డెకర్స్ వ్యాపారానికి బ్రాండ్‌గా మారింది. కొత్త రకమైన ఉత్పత్తులను మార్కెట్‌లోకి తీసుకొస్తున్నాం అని కాజల్ అన్నారు.

గేమింగ్ కంపెనీలో పెట్టుబడులు

ప్రస్తుతం ఓ గేమింగ్ కంపెనీలో పెట్టుబడులు పెట్టాను. ఒకీ గేమింగ్ అనే కంపెనీ ద్వారా భారతీయ ఆటలను వినియోగదారులకు అందిస్తున్నాం. కేరళలో దహి హండి, వల్లం కాలి అనే సంప్రదాయ ఆటలను గేమ్స్ ద్వారా పరిచయం చేయనున్నాం అని కాజల్ తన భవిష్యత్ ప్రణాళికను వెల్లడించారు.