Don't Miss!
- News కేసీఆర్కు ఎన్నికల సంఘం నోటీసులు
- Sports KKR vs RR: ఈ ఓటమి బాధ వర్ణాతీతం.. మాటలు రావడం లేదు: శ్రేయస్ అయ్యర్
- Lifestyle 30 ఏళ్లు దాటిన తర్వాత పెళ్లి చేసుకునే వారు ఈ విషయాలు తప్పక గుర్తుంచుకోవాల్సిన విషయాలు
- Automobiles ఆటో డ్రైవర్లకు గుడ్ న్యూస్.. ఇకపై ఓలా, ఉబర్, ర్యాపిడో యాప్ల్లో ఈ ఆప్షన్ ఉండదు.!!
- Technology ఎలోన్ మస్క్ StarLink ఇంటర్నెట్ ఇండియా లాంచ్ త్వరలోనే! ప్రభుత్వం ఆమోదించింది
- Travel Ramanarayanam Temple: విజయనగరంలోని ఈ రాములవారి ఆలయ ప్రత్యేకతలెన్నో..!
- Finance Market Closing: సెన్సెక్స్-నిఫ్టీ ఢమాల్.. మూడోరోజూ కొనసాగిన అమ్మకాల ఒత్తిడి..
మొదటిసారి అలాంటి క్యారెక్టర్ లో కాజల్ అగర్వాల్.. నెవ్వర్ బిఫోర్ అనేలా..
లక్ష్మి కళ్యాణం సినిమా ద్వారా టాలీవుడ్ కి హీరోయిన్ గా తెరంగేట్రం చేసిన కాజల్ అగర్వాల్, ఆ తరువాత కృష్ణవంశీ తీసిన చందమామ సినిమా ద్వారా మంచి గుర్తింపు అందుకున్న విషయం తెలిసిందే. అనంతరం రామ్ చరణ్ - రాజమౌళి కాంబినేషన్ లో వచ్చిన మగధీర కెరీర్ పరంగా బిగ్గెస్ట్ హిట్టుగా నిలిచింది. గీత ఆర్ట్స్ బ్యానర్ పై ఎంతో భారీ బడ్జెట్ తో తెరకెక్కిన ఈ సినిమా అప్పట్లో అత్యధిక కలెక్షన్స్ సొంతం చేసుకున్న సినిమాగా కూడా గొప్ప విజయం దక్కించుకుంది. ఇక అక్కడి నుండి టాలీవుడ్ కోలీవుడ్ అని తేడా లేకుండా స్టార్ హీరోలతో కొనసాగుతూ వచ్చింది.
తెలుగులో లో చాలామంది స్టార్ హీరోలతో కూడా నటించిన కాజల్, మెగాస్టార్ చిరంజీవి కామ్ బ్యాక్ మూవీ ఖైదీ నెంబర్ 150 మూవీ లో కూడా నటించారు. ఆ విధంగా మగధీర లో అటు చరణ్ తో, అలానే ఖైదీ నెంబర్ 150లో ఇటు మెగాస్టార్ తో నటించి ఆ విధంగా తండ్రి తనయులతో నటించిన లేటెస్ట్ హీరోయిన్ గా ట్రెండ్ సెట్ చేసింది. ఇక అటు తమిళ్ తో పాటు హిందీలో కూడా పలు సినిమాల్లో ఛాన్స్ లు అందుకున్న కాజల్ అక్కడ కూడా పలు సక్సెస్ లు సొంతం చేసుకున్నారు. ఆమె కెరీర్ లో మహేష్ తో నటించిన బిజినెస్ మ్యాన్, ఎన్టీఆర్ తో నటించిన బృందావనం, టెంపర్, అలానే ప్రభాస్ తో యాక్ట్ చేసిన మిస్టర్ పర్ఫెక్ట్, వంటి సినిమాలు మరింత మంచి పేరు తెచ్చిపెట్టాయి.
అయితే ఇటీవల గౌతమ్ కిచ్లు ని వివాహం చేసుకున్న అనంతరం తన సినిమాలని ఎంతో జాగ్రత్తగా ఎంచుకుంటూ కొనసాగుతున్నారు కాజల్. ప్రస్తుతం మెగాస్టార్ చిరంజీవి, మెగాపవర్ స్టార్ రామ్ చరణ్ కలిసి నటిస్తున్న ఆచార్య మూవీలో కూడా ఒక ముఖ్యమైన పాత్రలో కనిపించనుంది. అయితే కెరీర్ లో ఫస్ట్ టైం కింగ్ అక్కినేని నాగార్జున సరసన హీరోయిన్ గా ఒక సినిమా చేస్తున్నారు. గరుడవేగా దర్శకుడు ప్రవీణ్ సత్తారు దర్శకత్వంలో మంచి యాక్షన్ తో కూడిన భారీ మూవీగా తెరకెక్కుతున్న ఈ సినిమాని ఏషియన్ సినిమాస్ సునీల్, నార్త్ స్టార్ ఎంటర్టైన్మెంట్స్ అధినేత శరత్ మరార్ నిర్మిస్తున్నారు. అయితే ఈ సినిమాలో నాగార్జున ఒక అండర్ కవర్ ఏజెంట్ గా నటిస్తుండగా ఆయన బృందంలో పని చేసే ఒక ఏజెంట్ పాత్రలో కాజల్ నటిస్తున్నట్లు సమాచారం.
ఇక ఈ పాత్ర కోసం కాజల్ నిణుపుల నుండి ప్రత్యేక శిక్షణ కూడా తీసుకున్నారని సమాచారం. ఇక ఈ సినిమాలో ఆమె పాత్ర కొంత నెగటివ్ షేడ్స్ తో సాగుతుందని, తప్పకుండా మూవీ రిలీజ్ తరువాత కాజల్ పాత్రకి అందరి నుండి మంచి పేరు దక్కడం ఖాయం అని అంటున్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమా త్వరలో ప్రేక్షకుల ముందుకు రానుండగా ఈ మూవీ అధికారిక టైటిల్ తో పాటు ఫస్ట్ లుక్ ని రేపు అక్కినేని నాగార్జున జన్మదినం సందర్భంగా విడుదల చేయనున్నారు. మరి తొలిసారిగా నెగటివ్ షేడ్స్ ఉన్న పాత్రలో నటిస్తున్న కాజల్ ఎంతవరకు ఆడియన్స్ ని మెప్పిస్తారో చూడాలి.