Don't Miss!
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
- News వర్షాలపై ఏపీకి వాతావరణశాఖ తీవ్ర హెచ్చరిక
- Technology మే 7 న Apple 'Let Loose' ఈవెంట్! ఏ యే గాడ్జెట్లు లాంచ్ కాబోతున్నాయి? వివరాలు
- Finance IT News: రిక్రూట్మెంట్ రూటు మార్చిన ఇన్ఫోసిస్.. టాటా Elxsi న్యూ హైరింగ్..
- Lifestyle May Day 2024 Wishes : శ్రామికులు లేనిదే అభివృద్ధి లేదు.. శ్రామికుల దినోత్సవ శుభాకాంక్షలు
- Sports ధోనీకి కోపం వచ్చింది.. భయపడిన కెమెరామెన్ Video
- Automobiles 'కావ్య మారన్' ఖరీదైన కార్లు ఇవే! ఇక్కడ చూడండి
ఆ విషయంలో సరిలేరు నీకెవ్వరు.. అందుకే దక్షిణాదికి క్వీన్.. ఎంతైనా కాజల్ రేంజ్ వేరు!!
హీరోలైనా, హీరోయిన్లైనా సరే ప్రస్తుతం వారి స్టామినాను సోషల్ మీడియా ఫాలోవర్స్తోనే లెక్కిస్తున్నారు. ఎవరికీ ఎక్కువ మంది ఫాలోవర్స్ ఉంటే వారే గొప్పొళ్లన్న ఫీలింగ్ను ప్రచారం చేస్తున్నారు. సోషల్ మీడియాలో తమ హీరో ఆధిపత్యమే కనిపించాలని ఫ్యాన్స్ నానా తంటాలు పడుతున్నారు. ఇందులో భాగంగానే బర్త్ డే ట్రెండ్స్, అడ్వాన్స్ బర్త్ డే, కామన్ డీపీ ట్రెండ్స్ నానా రచ్చ చేస్తుంటారు. అయితే ఇది ఇంతవరకు హీరోల వరకే ఉండేది. కానీ ఈ మధ్య హీరోయిన్ల ఫ్యాన్స్ కూడా ఈ యుద్దాన్ని ప్రకటిస్తున్నారు.
బర్త్ డేల ట్రెండ్స్..
ప్రస్తుతం రికార్డులంటే కేవలం సోషల్ మీడియా రికార్డులే అన్నట్టుగా మారిపోయింది. బర్త్ డే ట్రెండ్ చేయడం, వరల్డ్ రికార్డులు కొట్టడమే ఫ్యాన్స్ పనిగా పెట్టుకుంటున్నారు. ఈ మధ్య మహేష్ బాబు, పవన్ కళ్యాణ్ ఫ్యాన్స్ మధ్య పెద్ద యుద్దమే జరిగింది. మహేష్ ఫ్యాన్స్ రికార్డులను పవన్ అభిమానులు చెరిపేశారు.
హీరోయిన్లలోనూ..
కాజల్, సమంత, తమన్నా బర్త్ డేలు, వారి కామన్ డీపీలు ఎంతగా వైరల్ అయ్యాయో అందరికీ తెలిసిందే. హీరోయిన్ల ఫ్యాన్స్ కూడా సోషల్ మీడియా రికార్డులపై గురి పెడుతున్నారు. అందుకే తమ హీరోయిన్కు ఎక్కువమంది ఫాలోవర్స్ ఉన్నారంటే కాదు కాదు మా హీరోయిన్కే ఎక్కువ ఫాలోయింగ్ ఉందంటూ పోటీ పడుతుంటారు.
దక్షిణాది క్వీన్..
ప్రస్తుతం దక్షిణాది సూపర్ స్టార్ ఎవరని అడిగితే వెంటనే నయనతార, సమంత అంటూ టక్కున చెప్పేస్తారు. అయితే సోషల్ మీడియాలో మాత్రం సౌత్ క్వీన్ కాజల్ అగర్వాలే. సోషల్ మీడియాలో అత్యధిక ఫాలోవర్స్తో నెంబర్ వన్ స్థానంలో నిల్చింది. ఫేస్బుక్, ట్విట్టర్, ఇన్స్టాగ్రాం ఫాలోవర్స్ అన్నింటిని లెక్కలోకి తీసుకుంటే కాజల్ అందరికంటే ఎంతో ముందంజలో ఉంది.
టాప్లో కాజల్..
సోషల్ మీడియాలో అత్యధికంగా ఫాలోవర్స్ ఉన్న వారిలో కాజల్ 42 మిలియన్ల ఫాలోవర్స్తో ముందంజలో ఉంది. ఇక తరువాత వరుసగా సమంత (28.5మి), రకుల్ (27.6మి), అనుష్క (17.6మి), తమన్నా (15.9), ఇలియానా (15.5మి), కీర్తి సురేష్ (15మి) ఉన్నారు. ఏది ఏమైనా కాజల్ మాత్రం అందరి కంటే ఎంతో ముందుంది. అందుకు దక్షిణాది క్వీన్ అయింది మరి.