Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘సాహో’ ఆఫర్ తిరస్కరించిన కాజల్.. ఈమె చేసిన పనికి చిత్ర యూనిట్ షాక్
తెలుగు సినీ ఇండస్ట్రీలోనే భారీ బడ్జెట్, హై టెక్నికల్ వ్యాల్యూస్తో వస్తున్న చిత్రం 'సాహో'. యంగ్ రెబెల్ స్టార్ ప్రభాస్ ఈ సినిమాతో మరో ప్రయత్నం చేయబోతున్నాడు. దర్శకధీరుడు రాజమౌళి తెరకెక్కించిన బాహుబలి తర్వాత వస్తున్న సినిమా కావడంతో దీనిపై ఎన్నో అంచనాలు ఉన్నాయి. ఇక, నాలుగు భాషల్లో విడుదల కావడానికి తోడు భారీ బడ్జెట్తో వస్తున్న చిత్రం అని ప్రచారం జరగడంతో ఈ సినిమాపై క్యూరియాసిటీ ఏర్పడింది. ఇప్పటికే పోస్ట్ ప్రొడక్షన్ పనులు పూర్తి చేసుకున్న సాహో విడుదలకు సిద్ధమవుతోంది.
ప్రస్తుతం ఈ సినిమా ప్రమోషన్లు కూడా జరుగుతున్నాయి. త్వరలోనే సినిమా ప్రేక్షకుల ముందుకు రానున్న నేపథ్యంలో చిత్ర యూనిట్ ప్రమోషన్ కార్యక్రమాలు కూడా చేపట్టింది. ఇప్పటికే ప్రభాస్ - శ్రద్ధాకపూర్ పలు ఇంటర్వ్యూల్లో పాల్గొంటున్నారు. హైదరాబాద్లోని రామోజీ ఫిల్మ్ సిటీలో ప్రీ రిలీజ్ ఈవెంట్ను కూడా నిర్వహించారు. దీనికి భారీ సంఖ్యలో అభిమానులు హాజరయ్యారు. దీని తర్వాత పలు రాష్ట్రాల్లో పర్యటిస్తోంది సాహో యూనిట్. తాజాగా ఈ సినిమాకు సంబంధించిన ఓ వార్త బయటకు వచ్చింది.
సాహోలోని 'బ్యాడ్ బాయ్' అంటూ సాగే ఈ పాటను కొద్దిరోజుల క్రితం విడుదల చేశారు. ఇందులో జాక్వెలిన్ ఫెర్నాండెజ్తో ప్రభాస్ చిందులేశాడు. వాస్తవానికి ఈ సినిమాలో జాక్వెలిన్ స్పెషల్ సాంగ్ చేస్తుందని ఎప్పటి నుంచో వార్తలు వచ్చాయి. కానీ, దీనిపై ఎవరూ స్పందించలేదు. అలాంటిది సాహో ప్రీ రిలీజ్ ఈవెంట్లో ఒక్కసారిగా దీన్ని విడుదల చేయడంతో అందరూ ఆశ్చర్యపోయారు.
అయితే, అంతకంటే ముందే ఈ సాంగ్ కోసం కాజల్ అగర్వాల్ను సంప్రదించిందట చిత్ర యూనిట్. దీనికి ఓకే చెప్పేసిన ఈ స్టార్ హీరోయిన్.. అందుకు గానూ భారీ మొత్తంలో రెమ్యూనరేషన్ అడిగిందట. దీనికి చిత్ర యూనిట్ షాక్ అయినట్లు తెలుస్తోంది. ఆ తర్వాతనే జాక్వెలిన్ను సంప్రదించారనే టాక్ వినిపిస్తోంది. ఇక, ఇప్పుడు సాహో ఫీవర్ చూసిన తర్వాత.. ఈ బిగ్ ప్రాజెక్టులో కాజల్ కచ్చితంగా ఛాన్స్ మిస్ చేసుకుందని బాధ పడుతుందన్న విషయంలో సందేహం లేదు.