పబ్లిసిటీ కోసం అంటూ బురద చల్లుతారా.. ఘాటుగా కాజల్ ట్వీట్!

ఎంతో ధైర్యం కావాలి

మహిళలుగా ఉండి లైంగిక వేధింపులని బయట పెట్టాలంటే ఎంతో ధైర్యం కావాలి. లైంగిక వేధింపులు ఎదుర్కొని మనసులో భాదని, ఆ సంగతులని బయటకు చెప్పుకుంటున్న వారందరికీ తాను మద్దత్తు ఇస్తానని కాజల్ ట్విట్టర్ వేదికగా స్పందించింది.

దారుణాలు

ఇప్పటివరకు చాలా మంది నటీమణులు తమకు ఎదురైన వేధింపులని బయట పెట్టారు. ఆ దారుణాలని నేను ఊహించుకోలేకున్నా. ఇలాంటి సమయంలో మనం ఒకరికి ఒకరం సహకరించుకోవాలి. కష్టసమయంలో అందరం ఒక్కటిగా మారాలి అని కాజల్ తెలిపింది.

బురద చల్లే ప్రయత్నం

కొంతమంది మీటూ ఉద్యమాన్ని దారుణంగా విమర్శిస్తున్నారు. పబ్లిసిటీ కోసమే హీరోయిన్లు తమపై వేధింపులు జరిగాయని చెప్పుకుంటున్నారని విమర్శిస్తున్న వారికి ఇదే నా సమాధానం. వారి వేదనని తక్కువ చేసి చూస్తూ బురద చల్లే ప్రయత్నం చేయవద్దు అని కాజల్ ట్వీట్ చేసింది.

పెద్దఎత్తున మద్దత్తు

మీటూ ఉద్యమానికి అన్ని చిత్ర పరిశ్రమల నుంచి పెద్ద ఎత్తున మద్దత్తు లభిస్తోంది. ఐశ్వర్యారాయ్, దీపికా పదుకొనె, సోనమ్ కపూర్, స్వర భాస్కర్, రవీనా టాండన్, సమంత వంటి నటులంతా మీటూ ఉద్యమానికి మద్దత్తు తెలిపారు. ఆ జాబితాలోకి తాజగా కాజల్ అగర్వాల్ కూడా చేరింది.