ఏదో ఒక రోజు ఆ బాధ నీకూ తెలుస్తుంది: కీర్తీ సురేష్ మీద శ్రీరెడ్డి ఫైర్!

నన్ను చూసిన నవ్వుతావా?

విశాల్ నా గురించి మాట్లాడినపుడు... కీర్తి సురేష్ నవ్వడం చూసిన అసహ్యం వేసింది. ఇపుడు నీ టైమ్ బావుంది కాబట్టి నువ్వు మేఘాల్లో తేలిపోతున్నావు. కానీ నువ్వు ఎప్పుడూ ఇలాగే ఉంటావని అనుకోకు.. అని శ్రీరెడ్డి వ్యాఖ్యానించారు.

ఆ బాధ ఏదో ఒకరోజు నీకు తెలుస్తుంది

సినిమా రంగంలో అందరూ ఎప్పుడూ ఒకే పొజిషన్లో ఉండరు. ఏదో ఒకరోజు స్ట్రగులర్స్ బాధ ఏమిటో నీకూ అర్థమవుతుంది. నువ్వు ఈ రోజు నవ్విన ఆ వెకిలి నవ్వును నేను ఎప్పటికీ మరిచిపోలేను అని శ్రీరెడ్డి అన్నారు.

శ్రీరెడ్డి గురించి విశాల్ ఏమన్నారంటే?

‘సందెకోళి-2' ఆడియో వేడుకలో విశాల్ మాట్లాడుతూ... శ్రీరెడ్డి మంచి అవకాశాలు దక్కించుకుంటూ వివాదాలకు దూరంగా ఉండటం మంచి పరిణామం. అయితే ఆమెతో పని చేసే వారు కాస్త జాగ్రత్తగా ఉంటే మంచిది. శ్రీరెడ్డి చుట్టూ ఉండే వారు వారి సేఫ్టీ కోసం కెమెరాలతో ఉండాలి. దీని వల్ల ఆమెకు ఆటోమెటిక్‌గా రక్షణ లభించినట్లే' అన్నారు.

విశాల్‌కు కామెంటుపై శ్రీరెడ్డి

విశాల్ కామెంట్లపై శ్రీరెడ్డి తన ఫేస్ బుక్ పేజీ ద్వారా స్పందించారు. తన గురించి పాజిటివ్‌గా స్పందించినందుకు థాంక్స్ చెప్పారు. మీ మనసు చాలా మంచిది.... కానీ నా చుట్టూ ఉన్నవారు కెమెరాలు కలిగి ఉండాలని ఎందుకు అన్నారో అర్థం కాలేదు అని శ్రీరెడ్డి వ్యాఖ్యానించిన సంగతి తెలిసిందే.