హోమ్

హీరోయిన్

మహానటి మూవీ తర్వాత అందాల నటి కీర్తీ సురేష్ క్రేజ్ దక్షిణాదిలో భారీగా పెరిగింది. ప్రస్తుతం అందం, అభినయం కలిసి ఉన్న హీరోయిన్లలో టాప్ స్థానాన్ని కీర్తీ సురేష్ దక్కించుకొన్నది. మహానటి తర్వాత మళ్లీ ఓ మహిళ ప్రాధాన్యం ఉన్న చిత్రంలో నటిస్తున్నది. ఈ చిత్రాన్ని యువ నిర్మాత మహేష్ కోనేరు నిర్మిస్తున్న ఈ చిత్రానికి డానీ సాంచేజ్ లోపేజ్ సినిమాటోగ్రాఫర్‌గా వ్యవహరించనున్నారు. నరేంద్రనాథ్ దర్శకత్వం వహిస్తారు. గతంలో మహానటి చిత్రానికి డానీ సినిమాటోగ్రాఫర్‌గా పనిచేసిన సంగతి తెలిసిందే.

సమకాలీన పరిస్థితులకు సంబంధించిన ఫ్యామిలీ డ్రామా. మహిళా ప్రాధాన్యం ఉన్న చిత్రం ఇది అని చిత్ర యూనిట్ పేర్కొన్నది. కీర్తి సురేష్‌కు దక్షిణాదిలో ఉన్న మార్కెట్‌ను దృష్టిలోపెట్టుకొని తెలుగు, తమిళ భాషల్లో రూపొందిస్తున్నాం అని పేర్కొన్నారు.

కీర్తి సురేష్ ప్రధాన పాత్రలో కనిపించే ఈ చిత్ర షూటింగ్ ఫిబ్రవరి 10న ప్రారంభం కానున్నది. అనంతరం ఈ సినిమాను కేరళ షిప్ట్ చేసి ఏకధాటిగా షూటింగ్ చేయడానికి ప్లాన్ చేసినట్టు తెలుస్తున్నది. మహానటి తర్వాత కీర్తి సురేష్ నటించిన సర్కార్, పందెంకోడి2 చిత్రాలు భారీ సక్సెస్‌ను సాధించిన సంగతి తెలిసిందే.