ఆదాయాన్ని మరింత పెంచుకోవడానికి కీర్తి సురేష్ రిస్క్ చేస్తోందా.. కోట్లు ఖర్చు చేసి..?

హీరోయిన్ ప్రొడక్షన్ హౌజ్

హీరోలు జీవితంలో ఒక్కసారైనా నిర్మాతగా మారకుండా ఉండలేరు. అయితే అందులో కొందరు సక్సెస్ అయితే మరికొందరు ఉహీంచని విధంగా దెబ్బతిన్నారు. హీరోయిన్స్ కూడా అలాంటి ప్రయోగాలు గట్టిగానే చేశారు. ప్రస్తుతం ఛార్మి కౌర్ పూరి జగన్నాథ్ తో కలిసి ప్రొడక్షన్ టీమ్ లో వర్క్ చేస్తోన్న విషయం తెలిసిందే.

నిర్మాతగా కీర్తి సురేష్

ఛార్మి ఇన్నేళ్లు సినిమా ఇండస్ట్రీలో సంపాదించిన డబ్బును మొత్తం పూరి సినిమాలలో ఇన్వెస్ట్ చేసి సక్సెస్ అందుకుంటోంది. ఇస్మార్ట్ శంకర్ సినిమా ఆమెకు మంచి లాభాలను అందించింది. ఇక ఇప్పుడు కీర్తి సురేష్ కూడా ఒక వైవు హీరోయిన్ గా చేస్తూనే మరోవైపు నిర్మాతగా కూడా బిజీ అవ్వాలని అనుకుంటోందట.

రెమ్యునరేషన్ డోస్ పెరగడంతో..

మహానటి సినిమా తరువాత కీర్తి సురేష్ క్రేజ్ అంతకంతకు పెరుగుతూనే ఉంది. ఇక రెమ్యునరేషన్ డోస్ కూడా పెరిగింది. ఆమె ప్రస్తుతం హీరోయిన్ ఓరియెంటెడ్ సినిమాలకు 2కోట్ల వరకు డిమాండ్ చేస్తోందట. ఇక స్టార్ హీరోల సినిమాలకు కోటికి పైగా తీసుకుంటున్నట్లు సమాచారం. దానికి తోడు పలు రకాల యాడ్స్ తో కూడా ఈ బ్యూటీ తన ఆదాయాన్ని పెంచుకుంటోంది.

Recommended Video

షాకింగ్ Fact About The Annual ఇన్ కమ్ Of Keerthy Suresh

ముందుగా ఒక వెబ్ సిరీస్

ఇక కీర్తి సురేష్ త్వరలోనే నిర్మాతగా కూడా తన అదృష్టాన్ని పరీక్షించుకోబోతున్నట్లు తెలుస్తోంది. గతంలో ఎప్పుడు లేని విధంగా ముందుగా ఈ బ్యూటీ ఒక వెబ్ సిరీస్ తో తన ప్రొడక్షన్ హౌస్ ని స్టార్ట్ చేయనుందట. ఆ తరువాత కోట్లు ఖర్చు చేసి రెండు సినిమాలను నిర్మించాలని అనుకుంటోందట. టాలెంట్ ఉన్న యువ దర్శకులను గుర్తించి ఆమె ఒక ప్లాన్ రెడీ చేసుకున్నట్లు సమాచారం. మరి ఆమె నిర్మాతగా ఎంతవరకు సక్సెస్ అవుతుందో చూడాలి.