బికినీలో కనువిందు చేసేందుకు రెడీ.. ఆ సినిమాలో నటించొద్దని అందరూ అన్నారు.. లావణ్య కామెంట్స్

అలా గడిపేస్తున్నా..

ప్రస్తుత లాక్ డౌన్ సమయంలో ఏం చేస్తున్నారని అడిగితే.. చుట్టుపక్కల వారి సాయంతో మాస్కులు తయారు చేస్తున్నానని, అవసరమైన వారికి వాటిని అందజేస్తున్నట్టు తెలిపింది. ఇంట్లోనే వంటలు వండి చుట్టుపక్కల వారికి పంపిణీ చేస్తున్నానని పేర్కొంది. వెబ్ సిరీస్‌లు చూస్తూ మిగతా సమయాన్ని గడుతున్నాని అంది. నెట్‌ఫ్లిక్స్‌లో డార్క్ అనే వెబ్ సిరీస్‌ చూడమని సలహా కూడా ఇచ్చింది.

కొన్ని తప్పులు చేశా..

కెరీర్ ప్రారంభంలో కొన్ని తప్పులు చేశానని తెలిపింది. కొన్ని చిత్రాలను తన ప్రమేయం లేకుండా పరిస్థితుల వల్ల చేయాల్సి వచ్చిందని పేర్కొంది. కానీ ప్రతీ తప్పులోంచి ఎంతో నేర్చుకున్నానని, ప్రస్తుతం సొంతంగా నిర్ణయాలు తీసుకునే దశకు చేరుకున్నానని పేర్కొంది.

బికినీ కూడా ధరిస్తా..

కథ డిమాండ్ చేస్తే బోల్డ్ సీన్స్, బికినీ ధరించేందుకు కూడా సిద్దమేనని పేర్కొంది. ఓ నటిగా సవాళ్లను ఎదుర్కొనేందుకు తానెప్పుడూ సిద్దంగానే ఉంటానని, కథ డిమాండ్ చేస్తే అలాంటి పాత్రలను చేసేందుకు తాను రెడీ అని తెలిపింది.

ఆ సినిమాలో నటించొద్దు..

సోగ్గాడే చిన్ని నాయన సినిమాలో నటించొద్దని అందరూ సలహా ఇచ్చారని తెలిపింది. సీనియర్ హీరో పక్కన నటిస్తే.. మళ్లీ అలాంటి పాత్రలే వస్తాయని కెరీర్ దెబ్బతింటుందని అందరూ అన్నారని పేర్కొంది. ఇదే విషయాన్ని నాగార్జునకు కూడా చెబితే.. ఆయన అన్నీ వివరించి ఒప్పించాడని వెల్లడించింది. ఆ సినిమాతో తనకు మంచి పేరు వచ్చిందని, అందుకే ఇప్పటికీ ముఖ్యమైన నిర్ణయాల్లో నాగ్ సలహా తీసుకుంటానని తెలిపింది.