Mehreen Pirzada engagement break up: అలా ప్రచారం చేస్తే చట్టపరమైన శిక్ష.. మెహ్రీన్ మాజీ భవ్య వార్నింగ్

మెహ్రీన్ నిశ్చితార్థం బ్రేకప్

టాలీవుడ్‌లో కెరీర్ పీక్స్‌లో ఉండగానే.. మెహ్రీన్, భవ్య బిష్ణోయ్‌తో ఎంగేజ్‌మెంట్ జరిగింది. జైపూర్‌లో మార్చి 12న నిశ్చితార్థం జరిగిన తర్వాత మెహ్రీన్ కరోనావైరస్ బారిన పడ్డారు. ఆత తర్వాత చాలా కష్టంగా కోలుకొన్నారు. అకారణంగా ఆమె పెళ్లి కొంచెం వాయిదా పడేటట్లు కనిపించింది. కానీ ఏకంగా మెహ్రీన్ నిశ్చితార్థం బ్రేకప్ అయింది.

మెహ్రీన్ మాజీ కాబోయే భర్త పోస్టు

తన పెళ్లి నిశ్చితార్థం రద్దు అయిందనే విషయాన్ని మెహ్రీన్ పిర్జాదా తన అధికారిక ఇన్స్‌టాగ్రామ్ ద్వారా వెల్లడించింది. మా ఇద్దరి మధ్య సానుకూలంగా చర్చలు జరిగాయి. మేమిద్దరం పెళ్లికి ముందే సపరేట్ కావాలని నిర్ణయించుకొన్నాం. ఇక ముందు భవ్యతో గానీ, ఆయన ఫ్రెండ్స్‌తో గానీ నాకు ఎలాంటి సంబంధం ఉండదు అని తన ఇన్స్‌టాగ్రామ్ పోస్టులో వెల్లడించారు.

ఎవరికీ వివరణ ఇవ్వాల్సిన అవసరం లేదు

మెహ్రీన్‌తో బ్రేకప్ తర్వాత భవ్య బిష్ణోయ్ తనపై వస్తున్న రూమర్లు, గాసిప్స్ గురించి స్పందించాడు. మా మధ్య జరిగిన సంఘటనపై ఎవరికీ తాను పెద్దగా వివరణ ఇచ్చుకోవాల్సిన అవసరం లేదు. ఎవరైనా తన గురించి తప్పుడు ప్రచారం చేస్తే వారిపై లీగల్‌గా చర్యలు తీసుకొంటాను. తనపై ఎలాంటి వ్యాఖ్యలు చేసిన వారు అందుకు బాధ్యులు అవుతారు అంటూ భవ్య వెల్లడించారు.

విధిరాత ఎలా ఉంటే.. అలా

భవ్య బిష్నోవ్ స్పందిస్తూ.. రెండు రోజుల క్రితం మా నిశ్చితార్థాన్ని క్యాన్సిల్ చేసుకోవాలని నేను మెహ్రీన్ నిర్ణయించుకొన్నాం. మా మధ్య కొన్ని అభిప్రాయ బేధాల కారణంగా ఈ నిర్ణయం తీసుకొన్నాం. మా ఇద్దరి మధ్య వ్యక్తిగతంగా ఎలాంటి అరమరికలు లేవు. ఇప్పటికీ మేము మంచి స్నేహితులుగానే ఉన్నాం. విధిరాత ఎలా ఉంటే.. అలా జరుగుతుందని నమ్ముతున్నాను అని అన్నారు.

Recommended Video

F3 Movie Launched With Pooja Ceremony

మెహ్రీన్‌తో, ఆమె కుటుంబంతో

కానీ కొందరు మాపై, నా కుటుంబంపై, నాపై తప్పు ప్రచారం చేస్తున్నారు. మా కుటుంబం గురించి తప్పుగా ప్రచారం చేస్తే తగిన చర్యలు తీసుకొంటాం. మెహ్రీన్ గానీ, ఆమె ఫ్యామిలీ అంటే మాకు చాలా గౌరవం ఉంది. ఇక ముందు కూడా వారి గురించే అదే భావన ఉంటుంది. మెహ్రీన్‌కు మంచి భవిష్యత్ ఉండాలని కోరుకొంటున్నాను.