పెళ్లికి సిద్ధమైన మెహ్రీన్ పిర్జాది.. ఎంగేజ్‌మెంట్ డేట్ ఎప్పుడంటే.. వరుడు ఎవరంటే!

కెరీర్ ఊపులో ఉండగానే పెళ్లి పీటలపైకి

నేచురల్ స్టార్ నానితో కలిసి కృష్ణ గాడి వీర ప్రేమగాథ చిత్రం ద్వారా ఎంట్రీ ఇచ్చిన మెహ్రీన్ పిర్జాదా కొద్ది రోజుల్లోనే స్టార్ హీరోయిన్ స్థాయిని అందుకొన్నది. మహానుభావుడు, రాజా ది గ్రేట్, ఎఫ్2 లాంటి ఘన విజయాలను తన ఖాతాలో వేసుకొన్నారు. కెరీర్ మంచి ఊపులో ఉండగానే పెళ్లికి సిద్దమయ్యారు.

మాజీ సీఎం మనవడితో డేటింగ్

మెహ్రీన్ పిర్జాదీ గత కొద్దికాలంగా హర్యానా కాంగ్రెస్ నేత భవ్య భిష్నోవ్‌తో అఫైర్‌లో ఉన్నారు. వీరిద్దరి ప్రేమ పీకల్లోతు చేరుకోవడంతో ఒక్కటవ్వాలని డిసైడ్ అయ్యారు. హర్యానా మాజీ ముఖ్యమంత్రి, దివంగత భజన్ లాల్‌కు భవ్య బిష్ణోవ్ మనవడు అనే విషయం తెలిసిందే

జైపూర్‌లోని ప్రముఖ కోటలో నిశ్చితార్థం

మెహ్రీన్ ఫిర్జాది, భవ్య పెళ్లి నిశ్చితార్థానికి సంబంధించిన ఏర్పాట్లు జైపూర్‌లో జరుగుతున్నాయి. వీరిద్దిరి వివాహ నిశ్చితార్థం జైపూర్‌లోని అలీలా ఫోర్ట్‌లో మార్చి 12వ తేదీన జరుగనున్నది. ఈ మేరకు అతిథులకు ఇప్పటికే ఆహ్వానాలు అందజేసినట్టు సమాచారం.

నిశ్చితార్థం తర్వాత పెళ్లి డేట్స్

ఇక నిశ్చితార్థం తర్వాత మెహ్రీన్ పెళ్లి తేదీలు ఖరారయ్యే అవకాశం ఉంది. పెళ్లి తర్వాత మెహ్రీన్ సినిమాల్లో నటిస్తారా? లేదా అనే విషయంపై క్లారిటీ లేదు. కానీ పెళ్లి తర్వాత కొన్ని సినిమాల్లో నటించే అవకాశం ఉంది. ఎందుకంటే ఆమె ఒప్పుకొన్న సినిమాలు పూర్తి చేయాల్సిన అవసరం ఉంది.

మెహ్రీన్ పిర్జాది కెరీర్ ఇలా

ఇక మెహ్రీన్ కెరీర్ విషయానికి వస్తే.. ప్రస్తుతం వెంకటేష్, వరుణ్ తేజ్, తమన్నా భాటియా కాంబినేషన్‌లో వస్తున్న F3 చిత్రంలో మెహ్రీన్ నటిస్తున్నారు. ఇంకా కొన్ని చిత్రాలు చర్చల దశలోనే ఉన్నాయి. ఇటీవల ఆమె నటించిన ఎంత మంచివాడవురా, అశ్వత్థామ చిత్రాల్లో నటించింది.