తెలుగు హీరోయిన్‌కు నెటిజన్ షాక్: నువ్వు నా లవర్‌లా ఉన్నావు.. ఆ ఫొటోలు చూపించు అంటూ!

వైజాగ్ బ్యూటీ.. అప్పుడే ఫేమస్

పూనమ్ బజ్వా విశాఖపట్నంలో జన్మించింది. చదువును కూడా అక్కడే పూర్తి చేసుకుంది. ఆ తర్వాత ఈ అమ్మడు మోడలింగ్ రంగంలోకి ఎంట్రీ ఇచ్చింది. అందులో తన పర్‌ఫెక్ట్ ఫిగర్‌తో మాయ చేసిన పూనమ్.. చాలా తక్కువ సమయంలోనే మంచి గుర్తింపును సొంతం చేసుకుంది. తద్వారా ఎన్నో బ్రాండ్లకు అంబాసీడర్‌గా చేసింది. దీంతో ఫుల్ ఫేమస్ అయిపోయింది.

మొదటి సినిమానే ఫస్ట్ చిత్రం

మోడలింగ్ రంగంలో సత్తా చాటుతోన్న సమయంలోనే పూనమ్ బజ్వా.. కూచిపూడి వెంకట్ తెరకెక్కించిన ‘మొదటి సినిమా'తో హీరోయిన్‌గా ఎంట్రీ ఇచ్చింది. ఇందులో నవదీప్ హీరోగా నటించాడు. ఎన్నో అంచనాల నడుమ వచ్చిన ఈ చిత్రం అంతగా ఆడలేదు. కానీ, నటిగా పూనమ్ బజ్వాకు మాత్రం మంచి గుర్తింపును తీసుకొచ్చింది. ఫలితంగా ఆమెకు ఆఫర్లు వచ్చాయి.

వరుస సినిమాలు... బ్రేక్ లేదు

పూనమ్ బజ్వా ‘మొదటి సినిమా' తర్వాత.. నవదీప్‌తో కలిసి ‘ప్రేమంటే ఇంతే', అక్కినేని నాగార్జున సరసన ‘బాస్' అనే సినిమాల్లో మాత్రమే హీరోయిన్‌గా నటించింది. వీటితో పాటు ‘వేడుక', ‘పరుగు' సినిమాల్లోనూ సపోర్టింగ్ రోల్స్ చేసింది. కానీ, ఇవేమీ ఆమెకు హిట్‌ను అందించలేకపోయాయి. దీంతో తెలుగు చిత్ర పరిశ్రమకు ఈ అమ్మడు గ్యాప్ తీసుకుంది.

అక్కడ మాత్రం యమ సక్సెస్

పూనమ్ బజ్వా తెలుగులో సినిమాలు చేయకున్నా.. దక్షిణాదిలోని మిగిలిన భాషల్లో మాత్రం వరుస పెట్టి ప్రాజెక్టులను లైన్‌లో పెట్టుకుంటూ వచ్చింది. ఈ క్రమంలోనే తమిళం, మలయాళం, కన్నడంలో ఎన్నో హిట్ చిత్రాల్లో నటించి మెప్పించింది. దీంతో ఆయా ఇండస్ట్రీల్లో స్టార్ హీరోయిన్ అయింది. ఇక, సుదీర్ఘ కాలం తర్వాత ‘ఎన్.టీ.ఆర్' బయోపిక్‌తో రీఎంట్రీ ఇచ్చేసింది.

సోషల్ మీడియాలో ఫుల్ బిజీ

గతంలో వరుసగా సినిమాలు చేసినా.. ఈ మధ్య కాలంలో పెద్దగా సినిమాలు చేయకున్నా.. సోషల్ మీడియా ద్వారా ఫ్యాన్స్‌తో నిత్యం టచ్‌లోనే ఉంటోంది పూనమ్ బజ్వా. ఇందులో భాగంగానే ఎప్పుడూ ఏదో ఒక అప్‌డేట్ ఇస్తూ వస్తోంది. ముఖ్యంగా తనకు, తన కెరీర్‌కు సంబంధించిన ఎన్నో విషయాలను వెల్లడిస్తోంది. అలాగే, ఫొటోలు, వీడియోలను వదులుతూ హైలైట్ అవుతోంది.

స్విమ్ సూట్ ఫొటోలు అడగ్గా

తాజాగా టాలీవుడ్ హీరోయిన్ పూనమ్ బజ్వా తన ఇన్‌స్టాగ్రామ్‌లో ASK ME సెషన్ నిర్వహించింది. ఇందులో ఓ నెటిజన్ ఆమెను ‘మీరు రీసెంట్‌గా దిగిన స్విమ్ సూట్ ఫొటోలను మేము చూడొచ్చా' అని అడిగాడు. దీంతో పూనమ్ స్విమ్ సూట్‌లో దిగిన ఫొటోను షేర్ చేసింది. అంతేకాదు, మరికొన్నింటిని త్వరలోనే వదులుతా అని సమాధానం కూడా ఇచ్చేసింది.

నా లవర్‌లా ఉన్నావని చెప్తూ

ఇక, ఇదే సెషన్‌లో మరో నెటిజన్ పూనమ్ బజ్వాను ఉద్దేశిస్తూ ‘నువ్వు చూడ్డానికి అచ్చం మా గర్ల్‌ఫ్రెండ్‌లా ఉన్నావు' అని అన్నాడు. దీనికి ఆ హీరోయిన్ ‘ఇప్పుడు నేనేం చేయాలి. నీ గర్ల్‌ఫ్రెండ్‌కు హాయ్ చెప్పానని చెప్పు' అంటూ రిప్లై ఇచ్చింది. దీంతో పూనమ్ షేర్ చేసిన ఈ ఫొటోలు, సమాధానాలకు నెటిజన్ల నుంచి భారీ స్థాయిలో స్పందన వస్తూ వైరల్ అవుతున్నాయి.