Don't Miss!
- News ఏప్రిల్ 1న రూ.2000 నోట్ల డిపాజిట్, ఎక్స్ఛేంజ్ -ఆర్బీఐ కీలక ప్రకటన..!
- Sports RCB vs KKR: వేరీజ్ మ్యాడ్ మ్యాక్సీ: ఆర్సీబీలో గందరగోళం
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
హ్యాట్సాఫ్ : 'ప్రేమను పంచుతా'నంటున్న నిధి అగర్వాల్.. ఆ వెబ్సైట్ లోకి వెళ్లి డీటైల్స్ ఇస్తే చాలు!
కరోనా మహమ్మారి ప్రపంచాన్ని ఎంత మేరకు అతలాకుతలం చేస్తుందో ప్రత్యేకంగా చెప్పక్కర్లేదు. ఇప్పటికే దేశమంతా దాదాపు లాక్ డౌన్ లో ఉంది. ఈ సమయంలో సినీ సెలబ్రిటీలు రాజకీయ నాయకులు తనకు తోచిన సహాయం చేస్తూ అందరికీ అండగా నిలబడుతున్నారు. ఇప్పటికే సినిమా ఇండస్ట్రీ నుంచి సోనూసూద్, చిరంజీవి, హీరో నిఖిల్, నటుడు జీవన్ కుమార్ వంటి వాళ్ళు ముందుకు వచ్చి అనేక సహాయ కార్యక్రమాలు చేస్తున్న సంగతి తెలిసిందే. ఇక తాజాగా హీరోయిన్ నిధి అగర్వాల్ కూడా ఈ మేరకు ఒక కీలక నిర్ణయం తీసుకుంది.
గత ఏడాది కూడా కరోనా సమయంలో తన వంతు సాయం అందించిన నిధి అగర్వాల్ ఇప్పుడు తాజాగా డిస్ట్రిబ్యూట్ లవ్ పేరుతో ఒక ఆర్గనైజేషన్ ప్రారంభించబోతున్నట్టు ప్రకటించింది. ఇలాంటి కరోనా సమయంలో ఎవరైనా సహాయం కావాలి అనుకుంటే ఒక వెబ్సైట్ ద్వారా ఆ ఆర్గనైజేషన్ కి రిక్వెస్ట్ పెట్టొచ్చు.. ఇక ఆ వెబ్సైట్ ద్వారా తమ దృష్టికి వచ్చిన అన్ని అంశాల మీద తనకు చేతనైన సాయం చేస్తానని నిత్యావసరాలు, మందులు ఇలా ఏవైనా సరే సాయం చేయడానికి నేను సిద్ధమని నిధి అగర్వాల్ ప్రకటించింది.
ఈ ఆర్గనైజేషన్ కోసం తనతో పాటు తన టీం కూడా పనిచేస్తుందని పేర్కొన్న ఈ ముద్దుగుమ్మ త్వరలోనే అభ్యర్థనలను అన్నిటినీ పరిశీలిస్తామని వాటిని పరిశీలించాక ఎలా ముందుకు వెళ్ళాలి అనే అంశం మీద ఒక నిర్ణయానికి వస్తామని పేర్కొంది. ప్రస్తుతం ఈ భామ తెలుగు, తమిళ, హిందీ భాషల్లో హీరోయిన్ గా రాణిస్తోంది. పవన్ కళ్యాణ్ హీరోగా నటిస్తున్న హరిహర వీరమల్ల సినిమాలో ఈ భామ హీరోయిన్ గా ఎంపికైంది అనే ప్రచారం జరుగుతోంది. అయితే దాని మీద అధికారిక ప్రకటన వెలువడాల్సి ఉంది.