Click it and Unblock the Notifications
పిల్లల్ని కనాలని ఉంది.. రెండో పెళ్లిపై నిహారిక కొణిదెల క్లారిటీ
మెగా డాటర్ నిహారిక (niharika) గురించి ప్రత్యేకంగా చెప్పాల్సిన పని లేదు.మెగా బ్రదర్ నాగేంద్ర బాబు కుమార్తెగా సినీ కుటుంబంలో జన్మించిన నిహారిక మొదట బుల్లితెరపై యాంకర్గా కెరీర్ ప్రారంభించింది. తర్వాత నటనపై ఆసక్తితో సినిమాల్లోకి అడుగుపెట్టి హీరోయిన్గా కొన్ని చిత్రాల్లో నటించింది. అయితే ఆమెకు ఆశించిన స్థాయిలో క్రేజ్ మాత్రం రాలేదు. ఈ నేపథ్యంలో బిజినెస్ స్ట్రాటజిస్ట్ జొన్నలగడ్డ చైతన్య (Jonnalagadda Chaitanya)తో వివాహం జరిగింది. కానీ, పెళ్లి తర్వాత కొన్నాళ్లకే వీరి మధ్య విభేదాలు రావడంతో ఈ జంట విడాకులు తీసుకున్నారు. అయితే.. ఓ పాత ఇంటర్వ్యూలో నిహారిక తన రెండో పెళ్లిపై ఇంట్రెస్టింగ్ కామెంట్స్ చేసింది. ఇంతకీ ఏమన్నారంటే?
రెండో పెళ్లిపై నిహారిక ఆసక్తికర వ్యాఖ్యలు
ఓ ఇంటర్వ్యూలో పాల్గొన్న నిహారిక తన రెండో పెళ్లిపై మొదటిసారి ఓపెన్గా మాట్లాడింది. ఆమె మాట్లాడుతూ ప్రేమపై తనకు ఎలాంటి నెగెటివ్ భావన లేదని స్పష్టం చేసింది. 'నాకు పిల్లలంటే చాలా ఇష్టం. పిల్లలు కావాలంటే పెళ్లి తప్పనిసరి. ఒక రిలేషన్షిప్ వర్కౌట్ కాలేదంటే దానికి ఒక్క కారణం ఉండదు. చాలా కారణాలు ఉంటాయి. అలాంటి కారణాల వల్లే నా పెళ్లి కూడా నిలవలేదు' అని నిహారిక చెప్పింది. ఇంకా మాట్లాడుతూ 'ఒక బంధం పనిచేయలేదని ఇక జీవితంలో మళ్లీ ప్రేమ పుట్టదని అనుకోవడం మూర్ఖత్వమే. త్వరలోనే అని చెప్పలేను కానీ సరైన సమయం వచ్చినప్పుడు మళ్లీ పెళ్లి చేసుకుంటాను'అని స్పష్టం చేసింది.
లవ్ మ్యారేజ్ చేస్తారా?
ఈసారి లవ్ మ్యారేజ్ చేస్తారా అనే ప్రశ్నకు కూడా నిహారిక ఆసక్తికర సమాధానం ఇచ్చింది. ప్రస్తుతం అలాంటి విషయాలపై తాను ఆలోచించడం లేదని తెలిపింది. 'ఇప్పుడున్న పరిస్థితుల్లో ఇంట్లో వారికి నచ్చకుండా నేను ఎలాంటి నిర్ణయం తీసుకోను. ప్రస్తుతం నా కెరీర్, వర్క్పైనే ఎక్కువగా ఫోకస్ చేస్తున్నాను. పెళ్లి విషయంపై ఇప్పుడే నిర్ణయం తీసుకోవడం లేదు'అని చెప్పింది. ఇక తనకు కుటుంబం నుంచి ఎవరెవరు ఎక్కువగా సపోర్ట్ చేస్తారనే ప్రశ్నకు నిహారిక నవ్వుతూ సమాధానం ఇచ్చింది.
'ప్రతి విషయంలో మా నాన్నే నాకు పెద్ద సపోర్ట్. నేను మా నాన్నకు చాలా దగ్గర. మా అమ్మ కూడా మా మీద కోప్పడుతుంది కానీ ప్రేమ చాలా ఉంటుంది. కొన్నిసార్లు మా అమ్మ 'మీరు మీ నాన్న కూతుళ్లు' అని అంటుంది. కానీ నిజం చెప్పాలంటే నాన్నతోనే నాకు ఎక్కువ క్లోజ్నెస్ ఉంటుంది'అని తెలిపింది. ఇంకా సరదాగా మాట్లాడుతూ 'నాన్నను ఒప్పించాలంటే అమ్మను ఒప్పించాలి. అన్నను ఒప్పించాలంటే వదినను ఒప్పించాలి. ఇంట్లో నన్ను ఎదిరించే వాళ్లు లేరు. నేను ఏదైనా కోరుకుంటే అది జరిగేలా చూస్తారు. ఆ విషయంలో నేను చాలా అదృష్టవంతురాలిని' అంటూ చెప్పింది.
కెరీర్పై ఫోకస్
ప్రస్తుతం నిహారిక నటిగా మాత్రమే కాకుండా నిర్మాతగా కూడా తనదైన గుర్తింపు తెచ్చుకునే ప్రయత్నం చేస్తోంది. వెబ్ సిరీస్లు, డిజిటల్ కంటెంట్ నిర్మాణంలో కూడా ఆమె ఆసక్తి చూపుతోంది. మొత్తంగా చూస్తే, తన గత జీవితం గురించి ఓపెన్గా మాట్లాడిన నిహారిక, భవిష్యత్తులో సరైన సమయం వచ్చినప్పుడు మళ్లీ పెళ్లి చేసుకునే ఆలోచన ఉందని స్పష్టం చేసింది. అయితే ప్రస్తుతం మాత్రం ఆమె పూర్తి దృష్టి తన కెరీర్పైనే ఉందని చెప్పడం గమనార్హం.
Continue with Google