Click it and Unblock the Notifications
సమంత, రష్మికకు ఎదురుదెబ్బ.. నెంబర్ 1 హీరోయిన్ ఎవరంటే ?
Top 10 heroines: సినిమా ఇండస్ట్రీలో స్టార్ హీరోయిన్ల క్రేజ్ ఎప్పటికప్పుడు మారుతూనే ఉంది. మరోసారి ఆర్మాక్స్ మీడియా తాజా ర్యాంకింగ్స్ ద్వారా నిరూపితమైంది. ఈసారి మాత్రం భారీ మార్పులు చోటుచేసుకున్నాయి. చాలా కాలంగా ఎవ్వరూ టచ్ చేయలేని నెంబర్ 1 స్థానంలో ఉన్న సమంతా రూత్ ప్రభు( SAMANTHA)కు షాక్ తగిలింది. ఆమె స్థానంలో బాలీవుడ్ స్టార్ హీరోయిన్ అలియా భట్ (ALIA BHATT) చేజిక్కిచుకుంది. ఈ సారి ఆలియా భట్ మొదటి స్థానాన్ని అందుకోవడం టాక్ ఆఫ్ ది ఇండస్ట్రీగా మారింది.
గత కొన్ని నెలలుగా సమంత ఆర్మాక్స్ ర్యాంకింగ్స్లో అగ్రస్థానాన్ని కాపాడుకుంటూ వచ్చింది. ఆమె పాన్ ఇండియా స్థాయిలో మంచి ఫ్యాన్ ఫాలోయింగ్, సోషల్ మీడియాలో భారీ ఎంగేజ్మెంట్, అలాగే సినిమాల ఎంపిక అన్నీ కలిసి ఆమెను టాప్లో నిలిపాయి. కానీ ఈసారి పరిస్థితి మారింది. అలియాభట్ వరుస బాలీవుడ్ ప్రాజెక్ట్లు, అంతర్జాతీయ గుర్తింపు, అలాగే పబ్లిక్ ఇమేజ్ కారణంగా భారీగా పాపులారిటీ సంపాదించి నంబర్ 1 స్థానాన్ని చేజిక్కించుకుంది.
ఇక సమంత ఒక్క స్థానం కిందకు జారిపడి రెండో స్థానంతో సరిపెట్టుకోవాల్సి వచ్చింది. ఇది ఆమె ఫ్యాన్స్కు పెద్ద షాక్గా మారింది. అయితే ఈ మార్పు తాత్కాలికమేనా? లేక ట్రెండ్ మారుతున్న సంకేతమా? అనే చర్చ మొదలైంది. మరోవైపు మూడో స్థానంలో బాలీవుడ్ స్టార్ దీపికా పదుకొనే (DEEPIKA PADUKONE) ఎంట్రీ ఇవ్వడం కూడా ఆసక్తికరంగా మారింది. గతంలో మూడో స్థానంలో ఉన్న రష్మిక మందన్న(RASHMIKA MANDANNA) ఈసారి నాల్గో స్థానానికి పడిపోయాడు. రష్మిక ఇటీవల వ్యక్తిగత విషయాలు, పెళ్లి వార్తలతో ట్రెండ్లో కనిపించడం, ర్యాంకింగ్లో డౌన్లోడ్ కావడం ఆశ్చర్యాన్ని కలిగిస్తోంది.
ఐదో స్థానంలో కాజల్ అగర్వాల్ (KAJAL AGGARWAL)తన స్థానాన్ని నిలబెట్టుకోవడం ఆమె స్టేబుల్ క్రేజ్ను సూచిస్తోంది. సోషల్ మీడియాలో యాక్టీవ్గా ఉండటం, బ్రాండ్ ఎండార్స్మెంట్స్, ఫోటోషూట్స్ అన్నీ కలిసి ఆమెను టాప్ 5లో ఉంచాయి. ఆరో స్థానంలో సాయి పల్లవి (SAI PALLAVI) కూడా తన స్థానాన్ని కాపాడుకోవడం విశేషం. బాలీవుడ్ ఎంట్రీ ఇవ్వడం, భారీ బడ్జెట్ తో రూపొందిస్తున్న రామాయణ లో సీతా నటిస్తుండటం, సహజ నటన ప్రేక్షకులను ఆకట్టుకుంటూనే ఉన్నాయి.
ఇక ఏడో స్థానంలో నయనతార (NAYANTHARA)నిలవడం ఆమె స్టార్డమ్కు నిదర్శనం. లేడీ సూపర్ స్టార్గా పేరొందిన నయనతార, పోటీ ఎంత పెరిగినా తన స్థానాన్ని కాపాడుకుంటూ వస్తునే ఉంది. ఇక టాలీవుడ్ యంగ్ సెన్సేషన్ శ్రీలీల ( SREELEELA)ఈసారి స్పెషల్ అట్రాక్షన్గా నిలిచింది. గత నెలలో 10వ స్థానంలో ఉన్న ఆమె, ఇప్పుడు ఎనిమిదో స్థానానికి ఎగబాకి తన క్రేజ్ను నిరూపించింది. యూత్లో పెరుగుతున్న ఫాలోయింగ్, వరుస ప్రాజెక్ట్లు ఆమె ర్యాంక్ పెరగడానికి కారణమయ్యాయి.
తొమ్మిదో స్థానంలో కృతి సనన్ (KRITI SANON)నిలవగా, చివర పదో స్థానంలో త్రిషా కృష్ణన్ (TRISHA) నిలవడం షాకింగ్గా మారింది. ఇటీవల ఆమెపై వచ్చిన వ్యక్తిగత వార్తలు, చర్చలు సోషల్ మీడియాలో వైరల్ అయినప్పటికీ, ర్యాంకింగ్లో మార్పు చేయలేకపోయాయి. ఇలా మొత్తానికి ఈసారి ఓ ఆర్మాక్స్ జాబితా స్పష్టంగా ఒక సూచన చెబుతోంది. సినిమా ఇండస్ట్రీలో స్టార్డమ్ స్థిరంగా ఉండదు. ప్రతి నెలా ప్రేక్షకుల అభిరుచులు, ట్రెండ్స్ మారుతుంటాయి. ప్రస్తుతం బాలీవుడ్ హీరోయిన్లు ఆధిపత్యం చాటుతుండగా, టాలీవుడ్ హీరోయిన్లు గట్టి పోటీ ఇస్తున్నారు. రాబోయే నెలల్లో ఈ ర్యాంకింగ్స్ ఎలా మారతాయో చూడాలి.
Continue with Google