మళ్లీ టాప్ లేపిన సమంత రుత్ ప్రభు.. దీపిక, అలియా, నయనతారను మించి..

సమంత టాప్ లో..

ఓరా మాక్స్ మోస్ట్ పాపులర్ ఫిమేల్ స్టార్స్ లో ఈసారి కూడా పోటీ గట్టిగానే జరిగింది. అయితే అందరికంటే ఎక్కువ స్థాయిలో మరోసారి సమంత అగ్రస్థానంలో నిలవడం విశేషం. ఆమెకు సంబంధించిన యశోద సినిమాతో పాటు శాకుంతలం సినిమాకు సంబంధించిన అప్డేట్స్ కూడా మీడియాలో హాట్ టాపిక్ గా మారాయి. దీంతో ఆమె మొదటి స్థానంలో నిలవగా తర్వాత స్థానంలో ఆలియా భట్ నిలిచింది. ఆలియా భట్ తన తదుపరి సినిమాలకు సంబంధించిన విశేషాలతో పాటు ప్రెగ్నెన్సీకి సంబంధించిన విషయాలతో కూడా ఆమె వైరల్ అయిన విషయం తెలిసిందే.

నయనతార, దీపిక

ఇక మూడో స్థానంలో నయనతార నిలవడం విశేషం. ఎప్పుడు కూడా 5వ స్థానం తర్వాత ఉంటున్న నయనతార ఈసారి సినిమాలు కంటే ఎక్కువగా తన పర్సనల్ విషయాలతో మరోసారి వైరల్ గా మారింది. ఇక ఆమె తర్వాత ఈ సర్వేలో 4వ స్థానంలో దీపికా పదుకొనే ఉండడం విశేషం. ఈ బ్యూటీ పటాన్ సినిమాకు సంబంధించిన బికినీ కాంట్రవర్సీ విషయాలతో సోషల్ మీడియాలో బాగా వైరల్ అయిన విషయం తెలిసిందే.

కాజల్ అగర్వాల్, రష్మిక మందన్న

అయితే ఊహించని విధంగా ఈ సర్వేలో కాజల్ అగర్వాల్ ఐదవ స్థానాన్ని సంపాదించుకుంది. ఆమెకు సంబంధించిన సినిమాలు లేకపోయినప్పటికీ కూడా గ్లామరస్ ఫోటోలు మాత్రం పోస్ట్ చేసినప్పుడు బాగానే వైరల్ అవుతున్నాయి. ఇక కాజల్ తర్వాత శ్రీవల్లి రష్మిక మందన్న మరోసారి తన స్టారీ హోదా ఏంటో నిరూపించుకుంది. ఈ బ్యూటీ కూడా వివిధ రకాల కాంట్రవర్సీలతో ఈ మధ్య బాగానే వైరల్ అయింది. దీంతో 6వ స్థానంలో నిలిచింది.

కత్రినాకైఫ్, త్రిష

బాలీవుడ్ బ్యూటీ కత్రినా కైఫ్ స్థానం మరోసారి తగ్గిపోయింది. ఈ బ్యూటీ డిసెంబర్ నెలలో తన భర్తకు సంబంధించిన ఫోటోలను పోస్ట్ చేసి కొంత హడావిడి చేసింది. ఇక ఆమె తర్వాత సీనియర్ హీరోయిన్ త్రిష ఎనిమిదవ స్థానంలో నిలిచింది. ఎంతోమంది హీరోయిన్స్ వస్తున్నా కూడా త్రిష మాత్రం తన క్రేజ్ ను అసలు తగ్గించుకోవడం లేదు. PS 1 సినిమాతో ఈ బ్యూటీ గత కొన్ని నెలలుగా మీడియాలో హాట్ టాపిక్ గా మారుతుంది.

చివర్లో తమన్నా, కీర్తి

ఇక టాప్ టెన్ లిస్టులో చివరి స్థానాల్లో 9వ ర్యాంకును తమన్నా భాటియా సంపాదించుకుంది. ఈ బ్యూటీ కూడా వివిధ రకాల గ్లామరస్ ఫోటోలతో సోషల్ మీడియాను బాగానే షేక్ చేస్తోంది. ఈమధ్య తన ఇన్ స్టాగ్రామ్ ఫాలోవర్స్ సంఖ్య కూడా ఒకసారిగా పెరిగిపోయారు. ఇక పదవ స్థానంలో కీర్తి సురేష్ నిలిచింది. ఈ బ్యూటీ ఊహించిన విధంగా ఈ మధ్య కూడా కొన్ని గ్లామరస్ ఫోటోలతో ఫాలోవర్స్ కు ఆశ్చర్యాన్ని కలిగించింది. అలాగే ఆమెకు సంబంధించిన సినిమాలు అప్డేట్స్ కూడా మీడియాలో వైరల్ అవుతున్నాయి.