ఇరకాటంలో పడ్డ త్రిష.. ప్రమోషన్లకు రానంటే రెమ్యూనరేషన్ తిరిగివ్వాలి.. నిర్మాతలు ఫైర్

త్రిష కొత్త చిత్రం..

24 హౌస్‌ ప్రొడక్షన్స్‌ పతాకంపై దర్శక నిర్మాత తిరుజ్ఞానం తెరకెక్కించిన చిత్రం పరమపదం విళైయాట్టు. నిర్మాణ కార్యక్రమాలను పూర్తిచేసుకున్న ఈ చిత్రం ఈ నెల 28న విడుదలకు సిద్ధమవుతోంది. ఈ సందర్బంగా చిత్ర ప్రీ ప్రమోషన్‌ కార్యక్రమం శనివారం ఉదయం చెన్నైలోని సత్యం థియేటర్‌లో చిత్ర యూనిట్‌ నిర్వహించారు.

రజినీ, కమల్ వంటి వారే..

నిర్మాత సురేశ్‌కామాక్షి మాట్లాడుతూ.. హీరోయిన్ల తాము నటించిన చిత్రాల ప్రమోషన్‌ కార్యక్రమాలకు ఎందుకు రావడం లేదే అర్థం కావడం లేదన్నాడు. ప్రముఖ నటులు రజనీకాంత్, విజయ్, కమలహాసన్‌ వంటి వారే తాము నటించిన చిత్రాల ప్రమోషన్‌ కార్యక్రమాలకు వస్తున్నప్పుడు హీరోయిన్లు ఎందుకు రావడం లేదో తెలియడం లేదన్నాడు.

అలా చేస్తే కొత్తవారితోనే..

స్టార్ హీరోయిన్లతో సినిమాలు చేస్తే మంచి ప్రచారం లభిస్తుందనే వారిని ఎంపిక చేస్తున్నామని చెప్పుకొచ్చాడు. వారు ఇలా ప్రమోషన్లకు రాకుండా.. సినిమాను జనాల్లోకి తీసుకెళ్లకుండా ఉండే... కొత్తవారికే అవకాశాలు ఇచ్చి చిత్రాలు చేస్తామని అన్నాడు.

Recommended Video

Is Trisha Back To Tollywood With This Movie ? || అందరి డౌట్ దానిపైనే!

సగం పారితోషికం..

నిర్మాతలమండలి నిర్వాహకుడు, నిర్మాత శివ మాట్లాడుతూ ఈ చిత్ర ప్రమోషన్‌కు నటి త్రిష రాకపోవడం బాధాకరంగా ఉందని అన్నాడు. చిత్రం ఈ నెల 28న విడుదల కానుందని, ఈలోగా ఆమె చిత్ర ప్రచార కార్యక్రమంలో పాల్గొనాలని అల్టిమేటం జారీ చేశాడు. లేదంటే ఆమె తీసుకున్న పారితోషికంలో సగ భాగాన్ని నిర్మాతకు తిరిగివ్వాల్సి ఉంటుందని నిర్మాతల సంఘం తరఫున హెచ్చరిస్తున్నట్లు తెలిపాడు.