సీఎం అని అరవడం కాదు, వెళ్లి ఓటు గుద్దాలి: మెగాడాటర్ నిహారిక

సీఎం కాదు.. పీఎం కూడా అవుతాడు

'సూర్యకాంతం' సినిమా గురించిన విశేషాలు చెబుతుంటే... కొందరు ఫ్యాన్స్ పవన్ కళ్యాణ్ సీఎం, పవన్ కళ్యాణ్ సీఎం అంటూ నినాదాలు చేశారు. వారు గోల చేస్తుంటే నిహారిక రియాక్ట్ అవుతూ.. ‘మీరు ఓట్లు వేస్తే సీఎం కాదు.. పీఎం కూడా అవుతాడు.' అంటూ సమాధానం ఇచ్చింది.

ఊరికే అరవడం కాదు.. ఓటు గుద్దాలి

పవన్ కళ్యాణ్ సీఎం సీఎం అంటూ గోల చేస్తున్న ఫ్యాన్స్ ఎంతకీ తగ్గక పోవడంతో.... ‘ఏదైనా అంటే నిజంగా చేయాలి.. ఊరికే అరవడం వల్ల ఏమీ జరుగదు. వెళ్లి ఓటు గుద్దితేనే సీఎం అవుతాడు.' అని నిహారిక వారికి సూచించారు. ఈ సందర్భంగా ఆమె అభిమానుల కోరిక మేరకు ‘ఖుషి' మూవీలోని డైలాగ్ చెప్పారు.

ఎన్నికల ప్రచారంలో నిహారిక పాల్గొంటారా?

నిహారిక తండ్రి నాగబాబు జనసేన పార్టీలో చేరడంతో పాటు నరసాపురం పార్లమెంట్ నియోజకవర్గానికి పోటీ చేస్తున్న సంగతి తెలిసిందే. మరి తన సినిమా విడుదల తర్వాత నిహారిక తండ్రి తరుపున కోసం ఎన్నికల ప్రచారంలో పాల్గొంటారా? ఏమో... చూడాలి.

సూర్యకాంతం

వరుణ్ తేజ్ సమర్పణలో నిర్వాణ సినిమాస్ బేనర్లో సందీప్ యర్రంశెట్టి, సృజన్ ఎరబోలు, రామ్ నరేష్ ‘సూర్యకాంతం' చిత్రాన్ని నిర్మిస్తున్నారు. ఈ మూవీని మార్చి 29న విడుదల చేసేందుకు ప్లాన్ చేస్తున్నారు.