5 ఏళ్లుగా సీక్రెట్​ డేటింగ్​.. పెళ్లైన హీరోతో ఏడడుగులు వేయనున్న పవన్ కల్యాణ్ హీరోయిన్​!

ఇండస్ట్రీలో ప్రేమ, పెళ్లి, విడాకులు వంటివి రెగ్యులర్​గా వినిపిస్తూనే ఉంటాయి. ముఖ్యంగా హీరోయిన్ల పెళ్లి అనగానే ఎక్కడ లేని ఆసక్తి చాలా మందిలో నెలకొంటుంటుంది. వారు ఎవరితో రిలేషన్​షిప్​లో ఉన్నారు? ఎవరిని పెళ్లి చేసుకోబోతున్నారు?, ఎప్పుడు చేసుకుంటున్నారు? వంటి రూమర్స్ ఎప్పుడు చక్కర్లు కొడుతూనే ఉంటాయి. అయితే తాజాగా నిజంగానే ఓ హీరోయిన్​ పెళ్లి పీటలెక్కబోతుంది. అది కూడా ఓ హీరోకు రెండో భార్యగా. మరి ఆ హీరోయిన్ ఎవరు? ఏ హీరోను పెళ్లి చేసుకోబోతుంది? వంటి వివరాలను ఇప్పుడు తెలుసుకుందాం..

తెలుగు చిత్రసీమలో అందం, అభినయం ఉన్న కథానాయికల్లో కృతి కర్బంద ఒకరు. మోడల్​గా కెరీర్ ప్రారంభించిన ఈ దిల్లీ బ్యూటీ తెలుగుతో పాటు కన్నడలోనూ పలు సినిమాలు చేసింది. బోణీ చిత్రంతో టాలీవుడ్​ సిల్వర్ స్క్రీన్​కు పరిచయమైందీ ముద్దుగుమ్మ. అయితే ఈ చిత్రం ఆశించిన స్థాయిలో ఆకట్టుకోలేకపోయింది. ఆ తర్వాత అలా మొదలైంది, మిస్టర్ నూకయ్య, ఒంగోలు గిత్త, త్రీడీ వంటి చిత్రాల్లో నటించి మెప్పించే ప్రయత్నం చేసింది. పవన్ కల్యాణ్ తో కలిసి తీన్​మార్​ చిత్రంలో నటించింది. కానీ స్టార్ హీరోయిన్​గా మాత్రం ఎదగలేకపోయింది. చివరసారిగా 2015లో వచ్చిన బ్రూస్ లీ చిత్రంలో రామ్ చరణ్‌కు అక్కగా నటించి మెప్పించింది.

అనంతరం టాలీవుడ్​కు దూరమైపోయింది కృతి. బాలీవుడ్​కు మకాం మార్చేసింది. అక్కడ వరుసగా సినిమాలు చేయడం ప్రారంభించింది. అలా అక్కడే ఉంటూ కొన్నేళ్లుగా బాలీవుడ్ హీరో పుల్కిత్ సామ్రాట్​తో డేటింగ్ కూడా చేస్తోంది. చాలా సార్లు వీరికి సంబంధించిన వార్తలు కూడా వచ్చాయి. ఇప్పుడీ ఈమె అతడితో కలిసి వైవాహిక బంధంలోకి అడుగుపెట్టనున్నట్లు తెలుస్తోంది. రీసెంట్​గా వీరి నిశ్చితార్థంకు సంబంధించిన ఫొటోలు బయటకు వచ్చాయి. కానీ అఫీషియల్​గా మాత్రం పోస్ట్ చేయలేదు.

ఇరువురి కుటుంబ సభ్యులు, అతికొద్ది మంది సన్నిహితుల మధ్య కృతి - పుల్కిత్ నిశ్చితార్థం జరిగినట్లు తెలిసింది. కృతి, పుల్కిత్ చేతికి ఒకే రకమైన ఉంగరాలు కనపడటం, అలాగే ఆ పిక్స్​లో ఇల్లంతా ఎంతో అందంగా అలంకరించినట్లుగా కూడా కనిపించింది. అదీ ఈ పిక్స్​ను పుల్కిత్ మాత్రమే తన ఇన్​స్టాలో పంచుకున్నారు.

ఇక తాజాగా వాలంటైన్స్​ డే సందర్భంగా కృతి తన రిలేషన్​షిప్​కు సంబంధించి ఓ పోస్ట్ చేసింది. తన లవర్​ పుల్కిత్​తో కలిసి దిగిన ఫొటోను షేర్ చేస్తూ.. లెట్స్ 'మార్చ్' టుగెదర్ అంటూ క్యాప్షన్ రాసుకొచ్చింది. దీంతో ఈ జంట ఈ ఏడాది మార్చిలో పెళ్లి చేసుకోబోతున్నట్లు అర్థమైంది. అయితే మ్యారేజ్​ డేట్​పై క్లారిటీ రాలేదు. అలానే తనకు కాబోయే పార్ట్నర్​కు వాలంటైన్స్ డే విషెస్ కూడా తెలిపింది కృతి.

ఇకపోతే గతంలో 2014లో పుల్కిత్ సామ్రాట్ గతంలో శ్వేతా రోహిరాను పెళ్లి చేసుకున్నారు. కానీ మనస్పర్థల వల్ల ఏడాది తిరక్కుండానే 2015లో విడాకులు తీసుకున్నారు. ఇక పుల్కిత్ 2019 నుంచి కృతితో రిలేషన్​షిప్​లో ఉన్నట్లు వార్తలు వస్తూనే ఉన్నాయి. ఈ ఇద్దరు కలిసి పాగల్ పంటి, వీరే ది వెడ్డింగ్, తైష్ చిత్రాల్లో కలిసి స్క్రీన్ షేర్ చేసుకున్నారు. పుల్కిత్ చివరిగా ఫక్రీ 3లో కనిపించారు. ప్రస్తుతం రిస్కీ రోమియో అనే చిత్రంలో నటిస్తున్నారు. చూడాలి మరి ఈ కపుల్ ఇంట్లో పెళ్లి బాజాలు ఎప్పుడు మోగుతాయో..