సమంతను దీవిస్తున్న పవన్ కళ్యాణ్... పుట్టినరోజు స్పెషల్ ఫొటో వైరల్

తెలుగు జెస్సికి భారీ క్రేజ్

గౌతమ్ మీనన్ దర్శకత్వంలో తెరకెక్కిన ఏ మాయ చేసేవే సినిమాతో సమంత తెలుగు ప్రేక్షకులకు దగ్గరైన విషయం తెలిసిందే. ఆ సినిమా మూడు భాషల్లో వచ్చినా కూడా ఎక్కువగా క్రేజ్ అందుకుంది మాత్రమే తెలుగు జెస్సినే. ఇక అక్కినేని వారసుడికి ఆ సినిమాతో మొదటి సక్సెస్ రావడంతో ఆమెనే లక్కీగా లైఫ్ పాట్నర్ గా మార్చేసుకున్నడు.

టాలెంట్ తో కౌంటర్..

ఇక సమంత పెళ్లి తరువాత కూడా నేటితరం హీరోయిన్స్ కు ఏ మాత్రం తక్కువ కాకుండా గ్లామర్ తో మంచి పోటీని ఇస్తోంది. రెగ్యులర్ గా విభిన్నమైన ఫొటో షూట్స్ తో ఆశ్చర్యపరుస్తోంది. హీరోయిన్స్ కు పెళ్లయితే తొందరగా డౌన్ అయిపోతారు అనే అపోహలకు ఆమె తన టాలెంట్ తో గట్టిగానే కౌంటర్ ఇచ్చారు. తోటి నటిమణులకు కూడా ఒక నమ్మకాన్ని ఇచ్చారు.

లేడి ఓరియెంటెడ్ సినిమాలతో..

ఇక ఆఫర్స్ ఎన్ని వస్తున్నా కూడా సమంత సెలక్టివ్ గా మంచి సినిమాలు చేస్తోంది. పాత్రకు ఎక్కువగా ప్రాధాన్యత ఉన్న సినిమాలను చేస్తూనే మరోవైపు లేడి ఓరియెంటెడ్ సినిమాలతో సరికొత్త ట్రెండ్ సెట్ చేస్తోంది. యూ టర్న్, ఓ బేబి లాంటి సినిమాలతో మంచి గుర్తింపు అందుకుంది. ఇక ఇప్పుడు శాకుంతలంతో రెడీ అవుతున్న విషయం తెలిసిందే.

Recommended Video

#HappyBirthdaySamanthaAkkineni : Samantha Birthday Special Story | Filmibeat Telugu

సమంతకు పవన్ ఆశీర్వాదం

అయితే నేడు సమంత పుట్టినరోజు కావడంతో అగ్ర హీరోల అభిమానుల నుంచి ఆమెకు స్పెషల్ గా విషెస్ అందుతున్నాయి. ఇక పవన్ ఫ్యాన్స్ కూడా ఒక ఫన్నీ ఫొటో ద్వారా విష్ చేస్తున్నారు. సమంత కింద కూర్చొని ఉండగా పవన్ కళ్యాణ్ నవ్వుతూ ఆశీర్వాదం ఇస్తున్నట్టు స్టిల్ ఇచ్చారు. అత్తారింటికి దారేది సినిమా షూటింగ్ లో ఇలా సరదగా దిగిన ఫొటో నెటిజన్లను ఇప్పుడు అమితంగా ఆకట్టుకుంటోంది.