#MeToo ఉద్యమం వచ్చినా... కాస్టింగ్ కౌచ్ పోలేదు: పాయల్ రాజ్‌పుత్

పాయల్ రాజ్‌పుత్

"రోటీన్ పాత్రలు కాకుండా విభిన్నమైన, మంచి పాత్రలు చేయాలని ఉంది, అలాంటి వాటికే ఎక్కువ ప్రధాన్యత ఇస్తున్నాను. అప్పుడే ప్రేక్షకుల హృదయాల్లో ఎప్పటికీ గుర్తిండిపోతాం, మూస పాత్రలు చేయడం వల్ల ఎలాంటి ప్రయోజనం ఉండదు, అందుకే పాత్రల ఎంపిక విషయంలో ప్రత్యేక శ్రద్ద తీసుకుంటున్నాను'' అని పాయల్ తెలిపారు.

రవితేజ, వెంకటేష్‌తో

వెంకీ మామా'లో టీచర్‌గా నటిస్తున్నానని, ఇందులో వెంకటేష్ సరసన కనిపించబోతున్న పాయల్ చెప్పుకొచ్చారు. ఇందులో నా పాత్ర కోపం వచ్చినప్పుడల్లా హిందీ మాట్లాడుతుందని తెలిపారు. డిస్కో రాజాలో రవితేజ మాజీ ప్రియురాలిగా చెవిటి, మూగ అమ్మాయిగా పాయల్ నటిస్తోంది.

కెరీర్ బిల్డ్ చేసుకునే ప్రయత్నంలో

దీంతో పాటు తెలుగులో పాయల్ మరో మూవీ కూడా చేస్తోంది. ఇందులో పోలీస్ ఆఫీసర్ పాత్రలో కనిపించనుంది. తమిళంలో ఉదయ నిధి స్టాలిన్‌తో ఓ చిత్రం చేస్తోంది. ఇలా విభిన్నమైన పాత్రలు చేస్తూ తన కెరీర్ బిల్డ్ చేసుకునే ప్రయత్నం చేస్తున్నారు.

సెక్సువల్ ఫేవర్ కొందరు అడిగారు

ఈ సందర్బంగా కాస్టింగ్ కౌచ్, #MeToo ఉద్యమం గురించి కూడా పాయల్ రియాక్ట్ అయ్యారు. ఆక్స్ 100 విడుదలైన తర్వాత తన వద్దకు చాలా ఆఫర్లు వచ్చాయని, అందులో కొందరు సెక్సువల్ ఫేవర్ కోరిన వారు కూడా ఉన్నారని తెలిపారు. లైంగిక సుఖం అందిస్తే పెద్ద సినిమాల్లో మంచి రోల్ ఇప్పిస్తామని తన వద్దకు కొందరు వచ్చినట్లు పాయల్ తెలిపారు. అవకాశాల కోసం తాను అలాంటివి చేయను అని వారిని వెనక్కి పంపిందట.

#MeToo ఉద్యమం ఉన్నప్పటికీ కాస్టింగ్ కౌచ్ పోలేదు

అవకాశాల కోసం లైంగికంగా లొంగిపోవడం లాంటి వాటిని నేను పూర్తిగా వ్యతిరేకం. ఇటువంటివి కేవలం సినిమా రంగంలో మాత్రమే కాదు అన్ని రంగంల్లో ఉన్నాయి. #MeToo ఉద్యమం ఉన్నప్పటికీ కాస్టింగ్ కౌచ్ అనేది ఇండస్ట్రీలో ఇప్పటికీ ఉంది అని పాయల్ స్పష్టం చేశారు.