హోమ్

హీరోయిన్

హీరోయిన్లంతా శృతిమించి అందాలు ఆరబోసినా పెద్దగా ప్రయోజనం లేని ఈ రోజుల్లో పంజాబీ భామ పాల బుగ్గల పాయల్ రాజ్‌పుత్ మాత్రం వరుస పెట్టి అవకాశాలు దక్కించుకుంటోంది. ఆర్ఎక్స్ 100 సినిమాలో కార్తికేయతో ఆమె చేసిన రొమాన్స్ చూసి పాయల్ చుట్టే చేరిపోయారంతా. యంగ్, వెటరన్ హీరోలంతా ఈ అందాల పాపతోనే సినిమా చేస్తాం అంటున్నారట. అదీ పాయల్ ప్రస్తుత పరిస్థితి. ఇక ఇదిలా ఉండగా ఓ యంగ్ హీరో కోసం పాయల్ రాజ్‌పుత్ ఏకంగా వేశ్య అవతారం ఎత్తేసిందనే వార్త అందరినీ షాక్ కి గురి చేస్తోంది.

వెండితెరపై వేశ్య పాత్రలో మెరవడం, వేశ్యగా హావభావాలు పండించడం కూడా నటనలో ఓ భాగమే. అందుకే ఇలాంటి పాత్రల్లో నటించడానికి ఏ మాత్రం సందేహించరు కొందరు సుందరీమణులు. గతంలో వేదం చిత్రంలో అనుష్క లాంటి టాప్ హీరోయినే వేశ్య అవతారమెత్తగా.. తనకెందుకు మొహమాటం అనుకుందో ఏమో! పాయల్ కూడా వేశ్య క్యారెక్టర్ అనగానే సై అనేసిందట. ఈ విషయాన్ని పాయల్ రాజ్‌పుత్ స్వయంగా ఓ ఇంటర్వ్యూలో పేర్కొంది.

1970-80 మధ్యకాలంలో రాబిన్ హుడ్‌గా పేరు పొందిన గ‌జ‌దొంగ టైగ‌ర్ నాగేశ్వ‌ర‌రావు జీవిత‌క‌థ‌ ఆధారంగా టైగ‌ర్ అనే సినిమాను తెర‌కెక్కించ‌బోతున్నారు. ఈ సినిమాలో ఇద్దరు హీరోయిన్లకు చోటుండగా.. ఒకరు నిధిఅగర్వాల్, మరొకరు పాయల్ రాజ్‌పుత్ సెలెక్ట్ అయ్యారు. అయితే చిత్రంలో పాయ‌ల్‌ది వేశ్య పాత్ర‌ కావడం విశేషం. ఇక ఈ చిత్రంలో హీరోగా బెల్లంకొండ శ్రీనివాస్‌ నటిస్తున్నాడు. కాగా దర్శకుడు కథ చెప్పగానే చాలెంజింగ్ రోల్ అనిపించింది.. అందుకే వేశ్యగా చేయటానికి ఒప్పుకున్నా అని పాయల్ చెప్పింది.

ఇవిగాక పాయల్ చేతిలో మరికొన్ని సినిమాలున్నాయి. సి.క‌ల్యాణ్ నిర్మాణంలో భానుశంక‌ర్ ద‌ర్శ‌క‌త్వంలో ఉమెన్ సెంట్రిక్ మూవీలో నటిస్తోంది పాయల్. అలాగే రవితేజ హీరోగా వస్తున్న డిస్కోరాజాలో బ‌ధిర యువ‌తిగా, వెంకీ మామ‌ సినిమాలో వెంక‌టేష్ జోడీగా ఆదిపడుతోంది ఈ పంజాబీ ముద్దుగుమ్మ. తొలి సినిమా ఆర్ఎక్స్ 100లో కంటే రొమాంటిక్ ట్రీట్ ఎక్కువ ఇచ్చేందుకే పాయల్ సుముఖత వ్యక్తం చేస్తోందని సమాచారం.