మహేష్ బాబు సినిమా కోసం పూజా హెగ్డే షాకింగ్ రెమ్యునరేషన్.. ఆమెనే ఎందుకు ఫైనల్ చేశారంటే?

ఎప్పుడైతే బికినిలో దర్శనమిచ్చిందో..

అల.. వైకుంఠపురములో సినిమా సక్సెస్ ఆయన అనంతరం పూజా హెగ్డే అస్సలు తగ్గడం లేదు. ఈ బ్యూటీ ఎలాంటి సినిమా చేసినా కూడా బాక్సాఫీస్ వద్ద భారీ స్థాయిలో క్రేజ్ అందుకుంటున్నాయి. ముఖ్యంగా డీజే సినిమా అనంతరమే పూజ ఫేట్ మారిపోయింది. ఎప్పుడైతే బికినిలో దర్శనమిచ్చిందో అమ్మడి గ్లామర్ కు భారీ స్థాయిలో డిమాండ్ ఏర్పడింది.

త్రివిక్రమ్ తో వరుస సినిమాలు

ఇక త్రివిక్రమ్ శ్రీనివాస్ తో పూజా హెగ్డే ఇదివరకే రెండు సినిమాలు చేసింది. ఎన్టీఆర్ అరవింద సమేత వీర రాఘవ సక్సెస్ అనంతరం మళ్ళీ అల.. వైకుంఠపురములో నటించిన విషయం తెలిసిందే. ఆ సినిమా సక్సెస్ అనంతరం బుట్టబొమ్మ జాతకం ఒక్కసారిగా మారిపోయింది. మళ్ళీ బాలీవుడ్ లో కూడా ఆఫర్లు అందుకునే స్థాయికి వచ్చేసింది.

ఎవరు ఊహీంచలేదు..

ఇక మహేష్ బాబు త్రివిక్రమ్ శ్రీనివాస్ మూడవ సినిమాలో కూడా హీరోయిన్ గా సెలెక్ట్ అవ్వడం లక్కీ అనే చెప్పాలి. మహేష్ బాబుతో అతడు, ఖలేజా సినిమాల అనంతరం త్రివిక్రమ్ చాలా గ్యాప్ తరువాత చేస్తున్న SSMB28 పై అంచనాలు మామూలుగా ఉండవని చెప్పవచ్చు. ఇక ఈ సినిమాలో హీరోయిన్ పూజా హెగ్డే సెలెక్ట్ అవుతుందని ఎవరు ఊహీంచలేదు.

రాధేశ్యామ్ కూడా విడుదలకు

ప్రస్తుతం బాలీవుడ్ లో సినిమాలు చేయడమే కాకుండా రాధేశ్యామ్ కూడా విడుదలకు సిద్దంగా ఉండడంతో పూజ రేంజ్ మరింత పెరుగుతోంది. అలాగే కోలీవుడ్ లో విజయ్ బీస్ట్ లో కూడా నటిస్తోంది. ఎటు చేసుకున్నా పూజా రేంజ్ ఇప్పట్లో తగ్గే అవకాశం లేదు. పైగా త్రివిక్రమ్ సెంటిమెంట్ గా రిపీట్ చేసిన హీరోయిన్ తో సక్సెస్ కొడుతుంటాడు. ఈ కారణాలతో పూజను సెలెక్ట్ చేసుకున్నట్లు సమాచారం. అంతే కాకుండా సినిమాలో గ్లామర్ ప్రజెంటేషన్ కూడా ఎక్కువ ఉండడం కోసం బుట్టబొమ్మను తీసుకున్నారట.

రెమ్యునరేషన్ ఎంతంటే?

ఇక ఈ ప్రాజెక్ట్ కోసం పూజ హెగ్డే రెమ్యునరేషన్ కూడా గట్టిగానే తీసుకున్నట్లు ఒక టాక్ అయితే వినిపిస్తోంది. ప్రస్తుతం పూజ రెండున్నర కోట్లకు పైగా పారితోషికం తీసికుంటోంది. పాన్ ఇండియా సీనిమాలకైతే మూడు కోట్ల వరకు డిమాండ్ చేస్తోందట. ఇక మహేష్ సినిమా కోసం కూడా రెండున్నర కోట్లకు పైగానే డిమాండ్ చేస్తున్నట్లు సమాచారం. మరి ఆ స్థాయిలో డిమాండ్ చేస్తున్న పూజా హెగ్డే సినిమాకు ఎంతవరకు హెల్ప్ అవుతుందో చూడాలి. ఈ సినిమాను వీలైనంత త్వరగా పూర్తి చేసే వచ్చే ఏడాది మొదట్లోనే విడుదల చేయాలని త్రివిక్రమ్ ఆలోచిస్తున్నట్లు తెలుస్తోంది.