పవన్ కళ్యాణ్‌కి సంబంధం ఉందా? ఫ్యాన్స్‌పై అనుమానమా?.. క్లారిటీ ఇచ్చిన పూనమ్ కౌర్

ఇంత ఆలస్యంగా ఫిర్యాదు చేయడానికి కారణం

‘‘ఇంత ఆలస్యంగా ఫిర్యాదు చేయడానికి కారణం నేను వివిధ పనులతో బిజీగా ఉండటమే. దీంతో పాటు నా ఆరోగ్యం కూడా బాగోలేదు. ఎవరు చేశారో తెలియదు. వారు నా వ్యక్తిగత జీవితాన్ని చాలా చెడ్డగా చిత్రీకరించే ప్రయత్నం చేశారు.'' అని పూనమ్ కౌర్ తెలిపారు.

పవన్ కళ్యాణ్ అభిమానులపై మీకు అనుమానం ఉందా?

‘ఎవరిపై అనుమానం ఉందో పోలీస్ డిపార్టుమెంటుకు చెప్పేశాను... మీతో ఆ విషయాలు పంచుకోలేను' అని పూనమ్ కౌర్ తెలిపారు. పవన్ కళ్యాణ్ అభిమానులపై మీరు కంప్లయింట్ ఇచ్చినట్లు అంతా మాట్లాడుకుంటున్నారు.. నిజమా? అనే ప్రశ్నకు పూనమ్ స్పందిస్తూ ‘‘అలాంటిదేమీ లేదండీ' అని స్పష్టం చేశారు.

పవన్ కళ్యాణ్‌కు సంబంధం ఉందని భావిస్తున్నారా?

ఈ విషయంలో పవన్ కళ్యాణ్‌కు సంబంధం ఉందని ఏమైనా అనుకుంటున్నారా? అనే ప్రశ్నకు... ‘‘అలా ఏమీ ఆలోచించడం లేదు. ఏవరో పొలిటికల్ బెనిఫిట్ కోసమే ఇదంతా చేశారని అనిపిస్తోంది. ఎవరికైనా పొలిటికల్ డ్యామేజ్ చేసి దాని ద్వారా మరొకరు పొలిటికల్ బెనిఫిట్ పొందాలనుకుంటున్నారా? అనేది తెలియాల్సి ఉంది. పోలీసులపై పూర్తి నమ్మకం ఉంది.'' అని పూనమ్ స్పష్టం చేశారు.

డిమాండ్ ఏమీ లేదు, రిక్వెస్ట్ మాత్రమే

ఫైనల్‌గా మీ డిమాండ్ ఏమిటి? అని మీడియా ప్రతినిధులు అడగ్గా... నాకు డిమాండ్ ఏమీ లేదు, రిక్వెస్ట్ మాత్రమే చేస్తున్నాను. ఏ అమ్మాయికీ ఇలాంటి పరిస్థితి ఎదురుకాకూడదు. తప్పుచేసిన వ్యక్తులను పట్టుకుని కఠినంగా శిక్షించాలి.

వారిని ఊరికే వదలకూడదు

‘‘ఈ పని చేసిన వారికి అరెస్ట్ చేసి నాన్ బెయిలబుల్ వారెంట్ ఇవ్వాలి. ప్రస్తుతం మన సైబర్ చట్టాలు చాలా బలహీనంగా ఉన్నాయి. తప్పు ఎవరు చేశారో కనిపెట్టి పనిష్మెంట్ ఇవ్వాల్సిన అవసరం ఉంది. నాకు తప్ప నా జీవితం గురించి మాట్లాడటానికి ఎవరికీ హక్కు లేదు.'' అని పూనమ్ అన్నారు.