హోమ్

హీరోయిన్

నేషనల్ అవార్డ్ విన్నింగ్ హీరోయిన్ ప్రియమణి 2016లో వచ్చిన ప్రకాష్ రాజ్ మూవీ 'మనవూరి రామాయణం' తర్వాత ఏ తెలుగు సినిమా చేయలేదు. ముస్తఫా‌రాజ్ వివాహం తర్వాత ఆమె పూర్తిగా టాలీవుడ్ ఇండస్ట్రీకి దూరం అయ్యారు.

తాజాగా సమాచారం ప్రకారం... ప్రియమణి త్వరలో ఓ థ్రిల్లర్ మూవీ ద్వారా టాలీవుడ్ రీ ఎంట్రీ ఇవ్వబోతుున్నట్లు సమాచారం. 'సిరివెన్నెల' అనే టైటిల్‌తో రూపొందుతున్న ఈ చిత్రం టాకీ పార్ట్ పూర్తయిందని, మరో రెండు పాటల చిత్రీకరణ మిగిలి ఉందని తెలుస్తోంది.

'సిరివెన్నెల' చిత్రంలో కాలకేయ ప్రభాకర్ కూడా ముఖ్యమైన పాత్రలో కనిపించబోతున్నట్లు టాక్. కొత్త దర్శకుడు ప్రకాష్ పులిజల ఈ చిత్రానికి దర్శకత్వం వహిస్తున్నారు. కమల్ బోహ్రా, ఏఎన్ భాష ఈ చిత్రాన్ని సంయుక్తంగా నిర్మిస్తున్నారు.

ప్రియమణి నటిస్తున్న ఇతర భాషా చిత్రాల విషయానికొస్తే.. కన్నడలో నాన్న ప్రకార, డాక్టర్ 56, తమిళంలో కుట్రపయిర్చి చిత్రాల్లో నటిస్తోంది. మరో వైపు 'ఆర్ఆర్ఆర్' మూవీలో ఆమె నటిస్తున్నట్లు వార్తలు సైతం ప్రచారంలో ఉన్నాయి.