Don't Miss!
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Sports రోహిత్పై గౌరవం..అంతకుమించి ఏం లేదు: పుకార్లపై ప్రీతి జింటా ఫైర్
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
బుల్లితెర నటిగా రాశీ ఖన్నా: ఆ స్టార్ హీరో కోసమే ఈ నిర్ణయం
నాగశౌర్య హీరోగా నటించిన 'ఊహలు గుసగుసలాడే' సినిమాతో టాలీవుడ్కు పరిచయం అయింది గ్లామరస్ హీరోయిన్ రాశీ ఖన్నా. మొదటి సినిమాలోనే అద్భుతమైన నటనతో ఆకట్టుకున్న ఆమె.. వరుసగా ఆఫర్లు దక్కించుకుంటోంది. ఈ క్రమంలోనే టాలీవుడ్లోని దాదాపు అందరు హీరోలతో కలిసి నటించింది. నటనకు నటన, గ్లామర్కు గ్లామర్ ప్రదర్శిస్తూ సత్తా చాటుతోంది. ఈ మధ్య వరుస హిట్లతో దూసుకుపోతోన్న ఆమె.. గోపీచంద్ కొత్త సినిమాలో నటించేందుకు గ్రీన్ సిగ్నల్ ఇచ్చింది. ఈ క్రమంలోనే తాజాగా ఆమె గురించి ఓ షాకింగ్ న్యూస్ బయటకు వచ్చింది.
టాలెంటెడ్ స్టార్ గోపీచంద్ హీరోగా సక్సెస్ఫుల్ డైరెక్టర్ మారుతి తెరకెక్కిస్తోన్న చిత్రం 'పక్కా కమర్షియల్'. ఇందులో రాశీ ఖన్నా హీరోయిన్గా ఎంపికైంది. తాజా సమాచారం ప్రకారం.. ఇందులో ఆమె సీరియల్ హీరోయిన్గా కనిపించబోతుందట. తెలుగు బుల్లితెరపై వచ్చే ఓ ధారావాహికలో నటించే అమ్మాయిగా ఆమె ఫన్నీ పాత్రను పోషించబోతున్నట్లు తెలుస్తోంది. గతంలో 'ప్రతి రోజూ పండగే' సినిమాలో ఏంజిల్ ఆర్నాగా మెప్పించిన ఈ సుందరాంగి.. ఇందులో అంతకు మించి నటించబోతుందని అంటున్నారు. మొత్తానికి మరో వైవిధ్యమైన పాత్రతో ప్రయోగం చేయబోతుందట రాశీ ఖాన్నా.
గోపీచంద్ కెరీర్లోనే ప్రతిష్టాత్మకంగా రాబోతున్న 'పక్కా కమర్షియల్'ను అల్లు అరవింద్ సమర్పణలో యూవీ క్రియేషన్స్, జీఏ2 బ్యానర్లపై బన్నీ వాస్ నిర్మిస్తున్నాడు. ఈ సినిమా షూటింగ్ ఇటీవలే ప్రారంభం అయింది. హైదరాబాద్ యూసఫ్గూడాలో ఉన్న పోలీస్ క్వార్టర్స్లో చిత్రీకరణను మొదలు పెట్టారు. మొదటి రోజు హీరోపై కొన్ని కీలకమైన సన్నివేశాలను చిత్రీకరిస్తున్నారు. ఫ్యామిలీ ఫన్ ఎంటర్టైన్మెంట్ చిత్రాలకు కేరాఫ్ అడ్రెస్గా నిలిచే మారుతి ఈ సినిమా మాత్రం సోషల్ మెసేజ్తో రూపొందిస్తున్నట్లు తెలుస్తోంది. దీన్ని అక్టోబర్ 1న ప్రేక్షకుల ముందుకు తీసుకు రాబోతున్నారు.