Don't Miss!
- Automobiles కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి వీడియో
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఆ పాత్రల కోసం రాశీఖన్నా తహతహ.. విజయ్ దేవరకొండతో..
అందం, అభినయం పుష్కలంగా ఉన్నప్పటికీ. అందాల తార రాశీఖన్నాకు అదృష్టం కలిసి రావడం లేదు. గ్లామర్తోపాటు ఫెర్ఫార్మెన్స్కు స్కోప్ ఉండే పాత్రల వైపు దృష్టి సారించి సినిమాలు చేస్తున్నా.. రాశీఖన్నాకు హిట్లు పడటం లేవు. తాజాగా ఆమె నటించిన శ్రీనివాస కల్యాణ్ చిత్రం బాక్సాఫీస్ వద్ద బోల్తా పడటంతో ఆమె ఆశలపై నీళ్లు చల్లినట్లయింది.
ఇదిలా ఉండగా, తమిళంలో విశాల్తో కలిసి టెంపర్ రీమేక్ ఆయోగ్య చిత్రంలో రాశీ ఖన్నా నటించింది. అయితే ఆ సినిమా బాక్సాఫీస్ వద్ద అంతగా ఆదరణ పొందకపోవడంతో కొంత నిరాశకు గురైందట. అయితే ఇక ముందు మంచి పాత్రల్లోనే కనిపించాలని, గ్లామర్తోపాటు యాక్టింగ్కు స్కోప్ ఉన్న చిత్రాల్లో నటించాలని డిసైడ్ అయ్యారట. ఆ క్రమంలోనే స్క్రిప్టులను జాగ్రత్తగా వింటున్నారట. కెరీర్కు ఉపయోగపడే పాత్రల కోసం తహతహలాడుతున్నట్టు సమాచారం.
తాజాగా విజయ్ దేవరకొండతో జతకట్టి ఓ సినిమా చేస్తున్నది. ఈ సినిమాను క్రియేటివ్ కమర్షియల్ అధినేత కేఎస్ రామారావు, దర్శకుడు క్రాంతి మాధవ్ రూపొందిస్తున్నారు. ఈ సినిమాలో మరో ఇద్దరు హీరోయిన్లు కూడా నటిస్తున్నారు. ఈ సినిమాపై భారీగా రాశీ ఖన్నా ఆశలు పెట్టుకొన్నారట.
రాశీ ఖన్నా కెరీర్ విషయానికి వస్తే, మద్రాస్ కేఫ్ చిత్రంతో దక్షిణాదిలోకి ప్రవేశించింది. ఆ తర్వాత ఊహలు గుసగుసలాడే చిత్రంతో టాలెంటెడ్ యాక్టర్గా గుర్తింపు పొందింది. జై లవకుశతో గ్లామర్ను పండించింది. ఇక నటనతోనే కాకుండా గాయకురాలిగా రాణిస్తుండటం విశేషం.