అర్థరాత్రి వస్తా.. నడుము మాసాజ్ చేస్తా అన్నాడు.. రాధికా ఆప్టే సంచలనం!

ఇంటర్ నెట్ సెన్సేషన్

ఇప్పుడు సినిమా నటిగా కన్నా ఇంటర్ నెట్ లో ఎక్కువగా రాధికా సెన్సేషన్ అవుతోంది. ఆమె బోల్డ్ కామెంట్స్ ఒక ఎత్తైతే, నెట్ ఫ్లిక్స్ ద్వారా కూడా రాధికా హాట్ టాపిక్ గా మారింది. నెట్ ఫ్లిక్స్ కి సంబందించిన ఆమె మెమేలు వైరల్ అవుతున్నాయి.

మీటూ మూమెంట్

హాలీవుడ్ లో మీ టూ మూమెంట్ సంచలనంగా మారిన సందర్భంలో బాలీవుడ్ నటీమణులు కూడా ఆమెకు ఎదురైనా చేదుఅనుభవాలని, వేధింపులని ధైర్యంగా వెల్లడించాలని రాధికా ఆప్టే తెలిపింది. అప్పట్లో తనకు ఎదురైన కొన్ని సంఘటనలు కూడా వివరించింది.

మీడియా కార్యక్రమంలో

తాజాగా మరోమారు రాధిక బాలీవుడ్ పై సంచలన వ్యాఖ్యలు చేసింది. బాలీవుడ్ లో మీ టూ కార్యక్రమం ఎందుకు హీరోయిన్లకు, నటీమణులకు చేరువ కావడంలేదు వివరించింది. ఆంగ్ల మీడియా సంస్థ నిర్వహించిన కార్యక్రమంలో రాధిక ఈ వ్యాఖ్యలు చేసింది.

షూటింగ్ ముగించుకుని

ఓ చిత్ర షూటింగ్ సమయంలో నాకు నడుము నొప్పి వచ్చింది. అయినా భరిస్తూ ఆ రోజు షూటింగ్ ముగించా. చివరి టేక్ పూర్తయిన తరువాత నా రూమ్ కు బయలుదేరా. అదే చిత్రంలో నటిస్తున్న మరో నటుడు లిఫ్ట్ లో నాతో పాటు ఎక్కాడు అని రాధికా తెలిపింది.

మాట్లాడలేదు

ఆ నటుడితో నేను ఎప్పుడూ మాట్లాడలేదు. మా ఇద్దరికీ పరిచయం లేదు. కానీ లిఫ్ట్ లో అతడు చేసిన వ్యాఖ్యలు నాకు చాలా ఇబ్బందిగా అనిపించాయి. అతడి మాటలని రాధికా ధైర్యంగా వివరించింది.

అర్థరాత్రి సాయం చేస్తా

ఏదైనా సాయం కావాలంటే చెప్పు.. అర్థరాత్రి అయినా వచ్చి నడుము మసాజ్ చేస్తా అని అసభ్యంగా మాట్లాడాడు అని రాధికా తెలిపింది. చిత్ర యూనిట్ లో చాలా మంది మంచివారు ఉన్నారు. వారికి ఈ విషయం వివరించా అని రాధికా తెలిపింది.

వాతావరణం అలాంటిది

చిత్రయూనిట్ లోని పెద్దవారు అతడిని పిలిచి మందలించారు. ఆ తరువాత అతడు వచ్చి క్షమాపణ చెప్పాడు. అతడు నాతో మాట్లాడిన మాటలు ఎంత అసభ్యకరమైనవో అతడికి తెలియదు. ఎందుకంటే అతడు పెరిగిన వాతావరణం అలాంటిది అని రాధిక తెలిపింది. ఇలాంటి చోట మీ టూ లాంటి ఉద్యమం చాలా బలంగా ఉండాలని రాధికా కోరింది.