Don't Miss!
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- News టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Finance ITC: ఐటీసీ ఇన్వెస్టర్లకు శుభవార్త.. !
- Sports చరిత్ర సృష్టించిన అక్షర్ & పంత్ క్రేజీ రికార్డు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
#మీటూ: లైంగిక వేధింపులకు, దానికి తేడా ఉంది... దుర్వినియోగం వద్దన్న రకుల్!
#మీటూ ఉద్యమం ఇండియా మొత్తాన్ని ఓ ఊపు ఊపుతోంది. ఈ ఉద్యమం కారణంగా సినీ పరిశ్రమలో పలువురు అవకాశాలు పొగొట్టుకోగా, రాజకీయ రంగంలో కొందరు పదవులు వదులుకున్నారు. పలువురు సెలబ్రిటీలు ఈ ఉద్యమానికి మద్దతు పలుకుతూ సంచలన నిర్ణయాలు తీసుకుంటున్నారు.
తాజాగా తెలుగు హీరోయిన్ రకుల్ ప్రీత్ సింగ్ #మీటూ ఉద్యమంపై స్పందించారు. #మీటూ ఉద్యమం ఇండియాలో బలోపేతం అవ్వడం సంతోషంగా ఉంది. కానీ లైంగిక కోరికలు తీర్చమని వేధించడం(సెక్సువల్ హరాస్మెంట్), అపోజిట్ జెండర్ పట్ల తప్పుగా ప్రవర్తించడం(సెక్సువల్ మిస్ కండక్ట్) పూర్తిగా భిన్నమైనవని రకుల్ ప్రీత్ అభిప్రాయ పడ్డారు.
అన్నీ ఒకే రకమైనవి అంటే ఎలా?
కొందరు సెక్స్ కోరిక తీర్చమని వేధించారని, కొందరు రేప్ చేశారని, కొందరు పడుకుంటేనే నీకు అవకాశాలు ఇస్తామన్నారని, కొందరు తమ పట్ల మిస్బిహేవ్ చేశారని.... రకరకాలుగా తమకు ఎదురైన అనుభవాలను మీటూ మూమెంటులో భాగంగా వెల్లడిస్తున్నారు. అయితే వీటన్నింటికీ ఒకేగాటిన కట్టేయడం సరికాదని రకుల్ ప్రీత్ అభిప్రాయ పడ్డారు.
నేను అదృష్ట వంతురాలిని
ఈ విషయంలో నేను అదృష్టవంతురాలిని అని చెప్పాలి. నా కెరీర్లో ఇప్పటి వరకు ఎప్పుడూ ఇలాంటి సంఘటనలు ఎదురు కాలేదు. కొందరి విషయంలో ఇలా జరిగాయని విన్నాను. అలాంటి వారు ధైర్యంగా బయటకు వచ్చి చెప్పడం అభినందనీయం అని రకుల్ అన్నారు.
దుర్వినియోగం చేయొద్దు
#మీటూ ఉద్యమానికి ఇంత స్పందన రావడం సంతోషంగా ఉంది. అయితే ఎవరూ దీన్ని దుర్వినియోగం చేయరని భావిస్తున్నాను. అప్పుడే ఈ ఉద్యమం మీద నమ్మకం మరింత పెరుగుతుంది అని రకుల్ అభిప్రాయ పడ్డారు.
రకుల్ ప్రీత్ సింగ్
రకుల్ ప్రీత్ సింగ్ ప్రస్తుతం తమిళంలో సూర్య ‘ఎన్జీకే'తో పాటు కార్తీ మూవీలో, శివ కార్తియేయన్ హరోగా తెరకెక్కుతున్న చిత్రంలో నటిస్తున్నారు. దీంతో పాటు హిందీలో ‘దే దే ప్యార్ దే'లో నటిస్తున్నారు.