ఇంక ఏం చూస్తారు.. ఎందుకింత టూమచ్.. రకుల్ ప్రీత్ మండిపాటు

‘కరోనా' దుస్తుల్లో రకుల్

కరోనావైరస్ భయంతో రకుల్ ప్రీత్ సింగ్ బందోబస్తుగా తయారయ్యారు. అరికాలి నుంచి తల వరకు తెల్లటి ప్లాస్టిక్ దుస్తులతో కూడిన పీపీఈ సూట్ ధరించి గుర్తుపట్టకుండా తయారయ్యారు. ముఖానికి మాస్క్ ధరించి గుర్తుపట్టకుండా రెడీ అయ్యారు.అయినా తనను గుర్తించడంపై రకుల్ స్పందిస్తూ.. నన్ను ఎవరు గుర్తు పట్టరనే సంతోషంలో ఉన్నాను. కానీ ఫోటోగ్రాఫర్లు నన్ను ఎలాగైనా గుర్తు పట్టేశారు అంటూ చెప్పిన మాటలు వీడియోలో వినిపించాయి.

రకుల్ వెంటపడిన ఫొటోగ్రాఫర్లు

రకుల్ ఫోటోకు ఫోజివ్వు.. వెనుకకు తిరిగి కెమెరా వైపు చూడు అంటూ ఫొటోగ్రాఫర్లు వెనుకకు తిరగమని పిలుస్తుండటంతో చిరాకు పడ్డారు. ఇంకే చూస్తారు మీరు. ఫోటోలు తీయవద్దు. ఎందుకింత టూమచ్ అటెన్షన్ అంటూ రకుల్ మండిపడ్డారు. అసహనంతో వారిని కొరకొర చూస్తూ ఎయిర్‌పోర్టులోకి వెళ్లిపోయింది. ఆమె వెంట

కెమెరాలతో క్లిక్కుల మోత

రకుల్ చిరాకు పడినప్పటికీ ఫొటోగ్రాఫర్లు కెమెరా ఫ్లాష్‌లతో క్లిక్కుల మోత మోగించారు. తన దారికి అడ్డు తగలకుండా వెళ్లనివ్వమనేలా సంకేతాలు ఇవ్వడం వీడియోలో కనిపించింది. అయినా ఫొటోగ్రాఫర్లు సరికొత్తగా కరోనా దుస్తుల్లో కనిపించిన రకుల్ ఫోటోలు తీస్తూ వెంటపడ్డారు.

లాక్‌డౌన్‌లో పేదలకు అన్నదానం

ఇదిలా ఉంటే లాక్ డౌన్ కాలంలో రకుల్ ప్రీత్ సింగ్ కుటుంబం సామాజిక సేవలో నిమగ్నమయ్యారుు. గుర్గావ్‌లోని తన ఇంటికి సమీపంలోని సుమారు 200 మంది కుటుంబాలకు నిత్యావసర సరుకులను అందించారు. చాలా మంది కుటుంబాలకు నిత్యం ఆహార ప్యాకెట్లు అందించారు. తన కుటుంబం చేపట్టిన సేవలను రకుల్ వివరిస్తూ.. మా నాన్న మా ఇంటికి సమీపంలో ఉండే పేద కార్మిక కుటుంబాలను గుర్తించి వారికి సహాయం అందించారు. లాక్‌డౌన్ సమయంలో ప్రతీ ఒక్కరికి రెండు మీల్స్ ప్యాకెట్లను అందించే చర్యలు చేపట్టారు అని రకుల్ చెప్పారు.