Ramya Krishnan: బికినీలో రమ్యకృష్ణ.. వైరల్ అవుతున్న ఫొటో.. అంటే అది, అప్పట్లో..

అగ్ర హీరోల సరసన..

ఒకప్పుడు అగ్ర హీరోల సరసన నటించి స్టార్​ హీరోయిన్​గా వెలుగొందిన రమ్యకృష్ణ ప్రస్తుతం ప్రాధాన్యత గల పాత్రలను ఎంపిక చేసుకుంటూ సక్సెస్ బాటలో పయనిస్తోంది. బాహుబలిలో శివగామిగా అలరించిన ఆమె బంగార్రాజు, రొమాంటిక్​ సినిమాల్లో కీలక పాత్రలు పోషించింది.

మరోసారి తల్లి పాత్రలో..

తాజాగా టాలీవుడ్ డేరింగ్​ అండ్ డ్యాషింగ్​ డైరెక్టర్ పూరి జగన్నాథ్ డైరెక్షన్​లో రౌడీ హీరో విజయ్​ దేవరకొండ హీరోగా తెరకెక్కిన మూవీ లైగర్​. ఇందులో హీరోకు తల్లి పాత్రలో రమ్యకృష్ణ నటించిందన్న విషయం తెలిసిందే.

మారుమోగిన డైలాగ్​లు..

లైగర్​ ట్రైలర్​ చూస్తే తెలిసిపోతుంది రమ్యకృష్ణ ఈ సినిమాలో ఎలాంటి రోల్​ ప్లే చేసిందని. ట్రైలర్​లో ఆమె చెప్పిన డైలాగ్​లు మారుమోగాయి. ఇక గురువారం అంటే ఆగస్టు 25న విడుదలైన లైగర్​ చిత్రంలో రమ్యకృష్ణ సర్​ప్రైజ్ ప్యాకెజ్​ అని ప్రముఖ అనలిటిక్​ ఉమర్​ సంధు తెలిపాడు.

ఆయన చిత్రాలకు కేరాఫ్​గా..

ఇదిలా ఉంటే ఇంతకుమందు ఆమె దర్శకేంద్రుడు కె. రాఘవేంద్రరావు చిత్రాలకు కేరాఫ్​గా నిలిచింది రమ్యకృష్ణ. ఆయన దర్శకత్వంలో అనేక సూపర్​ హిట్​ సినిమాల్లో హీరోయిన్​గా అలరించింది. అప్పుడు యూత్ గుండెల్లో గుబులు పుట్టించింది బ్యూటిఫుల్​ హీరోయిన్​ రమ్యకృష్ణ.

హాట్​ అందాలతో..

90లలో వచ్చిన సినిమాల్లో తన హాట్ హాట్​ అందాలతో ఒక ఊపు ఊపేసింది రమ్యకృష్ణ. చిరంజీవి, బాలకృష్ణ, నాగార్జున, వెంకటేష్, కమల్​ హాసన్​​ వంటి అగ్రతారలతో జోడి కట్టి వారికి దీటుగా ఆడిపాడింది. ఇక రాఘవేంద్ర రావు, దివంగత దర్శకుడు ఈవీఎస్​ సత్యనారాయణ, కృష్ణవంశీ సినిమాల్లో ఆమె చూపించిన గ్లామర్​ అంతా ఇంతా కాదు.

జయలలిత పాత్రలో..

అనంతరం తల్లి, వదిన వంటి తదితర పాత్రల్లో కూడా నటించి ప్రేక్షకుల మెప్పు పొందింది. తమిళనాడు మాజీ సీఎం, దివంగత జయలలిత జీవితం ఆధారంగా తెరకెక్కిన క్వీన్​ వెబ్​ సిరీస్​లో ప్రధాన పాత్ర పోషించి అదరగొట్టిన విషయం తెలిసిందే.

ఎవర్​ గ్రీన్​ హీరోయిన్​గా..

తాజాగా లైగర్​తో ముందుకు వచ్చిన రమ్యకృష్ణ ఆమె భర్త దర్శకత్వంలో వస్తున్న రంగ మార్తాండలో నటిస్తోంది. ఈ మూవీ నట సామ్రాట్​ అనే ఓ మరాఠి మూవీకి రీమేక్​గా వస్తోందని సమాచారం. అలాగే పలు టీవీ షోలలో అప్పుడప్పుడు మెరుస్తూ ఎవర్​ గ్రీన్​ హీరోయిన్​గా పేరు తెచ్చుకుంటోంది రమ్యకృష్ణ.