హోమ్

హీరోయిన్

సినీ ఇండస్ట్రీలో కొందరు ఏహీరోయిన్లకు పట్టిందల్లా బంగారమే అవుతుంది. కేవలం ఒకటి, రెండు సినిమాలతోనే స్టార్ హీరోయిన్ క్రేజ్ వచ్చేస్తుంది. అయితే ఆ తర్వాత అదే హీరోయిన్ ఏ కారణం చేతనైనా తనకు వచ్చిన ఆఫర్ రిజెక్ట్ చేసిందంటే చాలు.. ఇక రంగంలోకి దిగేస్తారు గాసిప్ రాయుళ్లు. ఆమె ఫలానా చిత్రం నుంచి వైదొలగడానికి కారణం అదీ, ఇదీ అంటూ వార్తలు పుట్టిస్తుంటారు.

తాజాగా అలాంటి పరిణామమే ఎదుర్కొన్నానని చెబుతోంది యంగ్ హీరోయిన్ రష్మిక మందన్న. టాలీవుడ్‌లో వరుస సినిమాలతో దూసుకుపోతున్న ఈ కన్నడ భామ ఇప్పటికే సూపర్‌స్టార్ మహేష్, స్టైలిష్ స్టార్ అల్లు అర్జున్, యంగ్ హీరో నితిన్ వంటి స్టార్ హీరోల సినిమాల్లోనూ అవకాశాలు పట్టేసిన సంగతి తెలిసిందే.

ఈ నేపథ్యంలోనే రష్మిక క్రేజ్ దృష్ట్యా ఆమెకు బాలీవుడ్‌ ఆఫర్ దక్కిందని వార్తలు వచ్చాయి. తెలుగులో సూపర్ హిట్ సాధించిన జెర్సీ సినిమా హిందీ రీమేక్‌లో నటించడానికి రష్మికను సంప్రదించగా ఆమె సున్నితంగా తిరస్కరించిందని టాక్ నడించింది. దీంతో అడిగినంత పారితోషికం ఇవ్వకపోవడం వల్లే హిందీ జెర్సీలో నటించేందుకు 'నో' చెప్పిందని వార్తలు గుప్పుమన్నాయి.

కాగా, ఇలాంటి వార్తలపై తాజాగా రష్మిక స్పందించింది. జెర్సీ హిందీ రీమేక్‌లో హీరోయిన్ ఆఫర్ తన వద్దకు వచ్చిందని, అయితే ఆ పాత్రకు తాను న్యాయం చేయలేననిపించిందని రష్మిక పేర్కొంది. ''ఆ పాత్రలో చాలా ఇన్వాల్వ్ అయి నటించాలి. నేను అందుకు సిద్ధంగా లేను. అందుకే ఆ ఆఫర్ రిజెక్ట్ చేశాను'' అంతే తప్ప అందరూ అనుకుంటున్నట్టు రెమ్యునరేషన్ కారణమే కాదు అని రష్మిక చెప్పింది. సినిమా అంటే కేవలం డబ్బే కాదని ఈ సందర్బంగా రష్మిక వెల్లడించింది.