రష్మిక మందన్న ఆస్తులపై ఐటీ దాడులు.. అసలు విషయం బయటపెట్టిన బ్యూటీ

రెమ్యునరేషన్ భారీగా పెంపు

వరుస విజయాలతో దూసుకెళ్తున్న రష్మిక మందన్న తన రెమ్యునరేషన్ భారీగా పెంచేసినట్టు వార్తలు వస్తున్నాయి. సరిలేరు నీకెవ్వరు, భీష్మ చిత్రాల తర్వాత ప్రతీ సినిమాకు రూ.2 కోట్ల రూపాయలు తీసుకొంటున్నట్టు వార్తలు మీడియాలో వైరల్అయ్యాయి. అయితే తనకు అంత భారీగా చెల్లించే నిర్మాతలు లేరు అంటూ వివరణ ఇచ్చారు.

రష్మిక ఆస్తులపై ఐటీ అధికారులు దాడులు

అయితే రష్మిక పారితోషికం భారీగా పెంచారనే వార్తల నడుమ ఐటీ అధికారులు పంజా విసిరారనే వార్త మరోసారి గుప్పుమన్నది. రష్మిక నివాసంలో ఐటీ దాడులు జరిగాయనే వార్తలు వైరల్ అవుతున్న నేపథ్యంలో ఆమె స్పందించారు. అలాంటి వార్తల్లో నిజం లేదు. మీడియాలో వచ్చే వార్తలన్నీ రూమర్లే అంటూ క్లారిటీ ఇచ్చారు.

గతేడాది కూడా ఐటీ దాడులంటూ

గతేడాది జనవరిలో కర్ణాటకలోని కొడగు జిల్లాలోని తన ఆస్తులపై ఐటీ అధికారులు మెరుపు దాడులు చేయడం సంచలనం రేపింది. తన ఫామ్‌హౌస్‌‌లను కూడా వదలకుండా సోదాలు చేశారు. ఆ తర్వాత మళ్లీ ఏడాదికి రష్మిక ఆస్తులపై ఐటీ దాడులనే విషయం మరింత సెన్సేషనల్‌గా మారింది.

రష్మిక మందన్న కెరీర్

ఇక కెరీర్ విషయానికి వస్తే.. రష్మిక నటించిన పొగరు చిత్రం తెలుగులోకి డబ్ అయి ఫిబ్రవరి 19వ తేదీన రిలీజ్‌కు ముస్తాబవుతున్నది. ఇక అల్లు అర్జున్ కాంబినేషన్‌లో వస్తున్న పుష్ప చిత్రంలో హీరోయిన్‌గా నటిస్తున్నారు. ఈ చిత్రం షూటింగ్ శరవేగంగా జరుగుతున్నది. ఇక బాలీవుడ్‌లో మిషన్ మజ్నుతోపాటు ఓ భారీ బ్యానర్‌లో ఓ చిత్రం చేయనున్నది.